Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤
- 2024-05-17 13:24:21
- ចំនួនមតិ 0 | ចំនួនចែករំលែក 0
Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤
ចន្លោះមិនឃើញ
ខ្សែប្រយុទ្ធព័រទុយហ្គាល់កីឡាករ Cristiano Ronaldo បានក្លាយជាអត្តពលិកដែលរកលុយបានច្រើនជាងគេលើពិភពលោកនៅក្នុងឆ្នាំ២០២៤។ នេះបើតាមការចុះផ្សាយរបស់ទស្សនាវដ្ដីហិរញ្ញវត្ថុ Forbes។
បើតាមប្រភពខាងលើ Ronaldo រកលុយបាន ២៦០លានដុល្លារអាមេរិកអំឡុងរយៈពេល ១២ខែចុងក្រោយ ដោយសារតែការលេងឱ្យក្លឹបអារ៉ាប៊ីសាអ៊ូឌីត Al-Nassr និងចំណូលក្រៅផ្សេងៗ។
ចំណោម ២៦០លានដុល្លារអាមេរិកនេះ Ronaldo រកបានពីកុងត្រាក្លឹបអារ៉ាប៊ីសាអ៊ូឌីត ២០០លានដុល្លារអាមេរិកមួយឆ្នាំ ហើយ ៦០លានដុល្លារទៀតគឺរកបានតាមរយៈម្ចាស់ស្ពនស័រនានា ក៏ដូចជាការរកចំណូលតាមរូប័យបណ្ណគ្រីបតូជាមួយនឹងក្រុមហ៊ុន Binance ព្រមទាំងរកចំណូលតាមកម្មវិធីអ៊ីនស្តាក្រាម រួមទាំងកុងត្រាជាមួយក្រុមហ៊ុននានាដូចជា ក្រុមហ៊ុនស្បែកជើង Nike ជាដើម។
ចំណូលខ្ទង់រយលានដុល្លារជាងនេះជាចំណូលសរុប ដោយនៅមិនទាន់គិតពន្ធ និងថ្លៃភ្នាក់ងារកីឡាករឡើយ។
សូមជម្រាបផងដែរថា Ronaldo បានផ្លាស់ទៅលេងនៅប្រទេសអារ៉ាប៊ីសាអ៊ូឌីតកាលពីឆ្នាំ២០២២កន្លងទៅ ដោយកីឡាកររូបនេះនៅមានកុងត្រាដល់ឆ្នាំ២០២៥។
បន្តពី Ronaldo កីឡាករដែលរកបានចំណូលខ្ពស់ជាងគេលេខ ២លើលោកនៅឆ្នាំ២០២៤គឺ កីឡាករវាយកូនហ្គោល Jon Rahm ដែលរកបាន ២១៨លានដុល្លារអាមេរិក ហើយលេខ ៣បានទៅលើ ខ្សែប្រយុទ្ធជម្រើសជាតិអាហ្សង់ទីន Lionel Messi ដែលរកបាន ១៣៥លានដុល្លារ៕