Vivo ទ្រាំមិនបាន បង្ហាញព័ត៌មានពី V9 ខ្ទេច ឯតម្លៃវិញឃើញរួចអាចបាក់ស្បាត

2018-03-15 04:14:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកមានដំណឹងលេចធ្លាយអំពី vivo V9 ចេញផ្សាយបន្តកន្ទុយគ្នា។ នៅខណៈនេះគេដឹងអំពី V9 កាន់តែច្បាស់តាមរយៈការបង្ហាញព័ត៌មានលម្អិតទាំងស្រុងពីស្មាតហ្វូននេះ នៅលើវិបសាយ Vivo ផ្ទាល់។

V9 មានអេក្រង់ឆកដូចជា iPhone X ដែលមាន Resolution កម្រិត ២២៨០ x ១០៨០ ភីកសែល ជាប្រភេទអេក្រង់ IPS។ វាមានបំពាក់ដោយកាមេរ៉ាភ្លោះកម្រិត ១៦ + ៥ MP ដោយមានកាមេរ៉ា Selfie កម្រិត ២៤ MP មានមុខងារ AI Face Beauty, អាចដឹងពីភេទ, បង្កើត Sticker AR, Face Beauty Video និង HDR ទៀតផង។

ស្មាតហ្វូននេះដំណើរការដោយបន្ទះឈីប Snapdragon 626 អមនឹង RAM ទំហំ ៤ GB និងអង្គផ្ទុកទិន្នន័យក្នុងម៉ាស៊ីនទំហំ ៦៤ GB អាចបន្ថែមទំហំតាមរយៈមេមូរីកាត។ មានប្រើប្រព័ន្ធប្រតិបត្តិការ Android 8.1 Oreo មានថ្មថាមពល ៣២៦០ mAh និងមានជម្រើសពណ៌មាស និង ពណ៌ខ្មៅ។

vivo V9 រំពឹងថានឹងបង្ហាញចេញក្នុងប្រទេសឥណ្ឌាឆាប់ៗ។ តម្លៃមិនទាន់ដឹងនៅឡើយនោះទេ ប៉ុន្តែនៅលើវិបសាយ vivo បានដាក់លក់ស្មាតហ្វូននេះក្នុងតម្លៃ ១៥៤ ១០០ ដុល្លារឯណោះ។ វាអាចជាតម្លៃលេងសើចមួយ ឬ កំហុសបច្ចេកទេសរបស់ក្រុមការងារ៕

ចុចអាន៖

ប្រភព៖ GSMarena ប្រែសម្រួល៖ សុខហេង