ស្ត្រីម្នាក់កកឈាមក្នុងខួរក្បាលភ្លាមៗ ក្រោយធ្វើរឿងមួយដែលមនុស្សគ្រប់គ្នាតែងធ្វើរាល់ថ្ងៃ

2018-03-15 06:07:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពលករចំណាកស្រុកវ័យ ៤៧ឆ្នាំម្នាក់ មានឈាមកកក្នុងខួរក្បាលភ្លាមៗក្រោយពីសម្លឹងមើលទូរស័ព្ទដៃរយៈពេល ២០ម៉ោងឥតឈប់ឈរ។

ស្ត្រីរូបនេះ បានធ្វើដំណើរតាមរថភ្លើងចេញពីស្រុកកំណើតនៅខេត្ត Henan ទៅកាន់ទីក្រុង Guangzhou។ ក្នុងដំណើរនេះ ស្ត្រីខាងលើបានសម្លឹងមើលទូរស័ព្ទអស់រយៈពេល ២០ ម៉ោងពេញ ដោយសារតែក្នុងរថភ្លើង មានអ្នកដំណើរច្រើនកុះករ ហើយកម្រើកខ្លួនស្ទើរមិនរួច។

ក្រោយមក ស្ត្រីខាងលើត្រូវបានរាយការណ៍ថាសន្លប់ និងត្រូវបញ្ជូនទៅកាន់មន្ទីរពេទ្យភ្លាមៗដោយគ្រូពេទ្យបានស្កេនក្បាលរបស់គាត់ និងរកឃើញថាមានឈាមកកក្នុងខួរក្បាល។ ស្ត្រីរូបនោះ បានទទួលការវះកាត់រយៈពេល ៣ ម៉ោង ដើម្បីការពារកុំឲ្យកំណកឈាមកាន់តែគំរាមកំហែងដល់ជីវិត។

គ្រូពេទ្យម្នាក់ និយាយថា "យើងបានវះកាត់យកកំណកឈាមជិត ២សង់ទីម៉ែត្រ ពីអ្នកជំងឺរូបនេះ។ យើងគិតថា វាកើតឡើងដោយសារនាងនៅស្ងៀមមួយកន្លែងយូរម៉ោងពេក ជាហេតុធ្វើឲ្យសរសៃឈាមរួមតូចមានការកកឈាម។"

បន្ថែមពីនេះ គ្រូពេទ្យខាងលើក៏បានអះអាងថា ករណីមនុស្សវ័យក្មេងកកឈាមក្នុងខួរក្បាលនេះ មានការកើនឡើងយ៉ាងខ្លាំង។ លោកបានណែនាំឲ្យអ្នកប្រើប្រាស់ទូរស័ព្ទទាំងអស់ មិនគួរសម្លឹងទូរស័ព្ទយូរពេកនោះទេ និងគួរសម្រាកពីការមើលវារយៈពេលយូរណាមួយ ដើម្បីចៀសវាងការកកឈាមដូចករណីស្ត្រីខាងលើ៕