Galaxy S10 អាចនឹងមានមុខងារស្កេនមុខ ដូច iPhone X

2018-03-16 02:10:45
ចំនួនមតិ 0 | ចំនួនចែករំលែក 0

ចន្លោះមិនឃើញ

Startup របស់អ៊ីស្រាអែលមួយឈ្មោះ Mantis Vision កំពុងតែសិក្សាជាមួយក្រុមហ៊ុនបង្គំកាមេរ៉ា Namuga ដើម្បីផលិតកាមេរ៉ា 3D Sensing សម្រាប់ Galaxy S10។ នេះបើតាមការចុះផ្សាយរបស់សារព័ត៌មានកូរ៉េខាងត្បូង The Bell។

បច្ចេកវិទ្យានេះ អាចនឹងបើកផ្លូវឲ្យ Samsung បង្កើតបានមុខងារស្កេនមុខបែប 3D នៅលើ Galaxy S10 ដែលស្រដៀងគ្នានឹង FaceID របស់ iPhone X ដែរ។ Galaxy S9/S9+ ដែលនឹងចេញលក់ឆាប់ៗនេះ នៅតែប្រើប្រាស់មុខងារស្កេនមុខបែប 2D ដែលគួបផ្សំនឹងការស្កេនប្រស្រីភ្នែក។

បើប្រៀបនឹង FaceID របស់ iPhone X គឺប្រើប្រាស់នូវទម្រង់ពន្លឺដែលជះពន្លឺឡាស៊ែរ ៣ ម៉ឺនចំណុចទៅលើផ្ទៃមុខមនុស្ស និងធ្វើការវាស់ស្ទង់ ដើម្បីបង្កើតបានរូបភាព 3D ច្បាស់មួយ សម្រាប់ប្រើជាការបញ្ជាក់អត្តសញ្ញាណ។

អ្នកវិភាគ Ming Chi Kuo បានលើកឡើងកាលពីថ្មីៗនេះថា ក្រុមហ៊ុនផលិតស្មាតហ្វូន Android អាចនឹងត្រូវការពេល ២ ឆ្នាំកន្លះ ដើម្បីតាមទាន់មុខងារ FaceID របស់ Apple។ Apple បានចេញលក់ iPhone X នៅខែវិច្ឆិកាឆ្នាំមុន ស្របពេលដែល Galaxy S10 អាចនឹងចេញនៅអំឡុងខែមីនា ឬ មេសា ឆ្នាំ ២០១៩ មានគម្លាតគ្នា ១ ឆ្នាំកន្លះ។

Samsung អាចនឹងតាមទាន់ Apple ជាមួយនឹងមុខងារ FaceID ប៉ុន្តែនៅរង់ចាំមើលទាំងអស់គ្នាថាតើប្រព័ន្ធស្កេនមុខបែប 3D របស់ Samsung អាចផ្ដល់បទពិសោធន៍ប្រើប្រាស់ដូចជា FaceID ឬយ៉ាងណា៕

ចុចអាន៖

ប្រភព៖ macrumors ប្រែសម្រួល៖ សុខហេង