អស់ពីមានរឿងនឹង T.O.P ឥឡូវ Seo Hee ល្បីមានស្នេហាជាមួយតារារបស់ SM ទៀត
- 2018-03-16 02:23:30
- ចំនួនមតិ 0 | ចំនួនចែករំលែក 0
អស់ពីមានរឿងនឹង T.O.P ឥឡូវ Seo Hee ល្បីមានស្នេហាជាមួយតារារបស់ SM ទៀត
ចន្លោះមិនឃើញ
ក្រោយស្ងាត់ព័ត៌មានមួយរយៈ ពេលនេះ Han Seo Hee តារាចំណូលថ្មីរបស់ផលិត YG បានលេចមុខជាថ្មី ជាមួយដំណឹងស្នេហាទៀតហើយ។
បើទោះមិនទាន់បង្ហាញមុខជាតារាស្រីជាផ្លូវការក៏ដោយ ប៉ុន្តែ Han Seo Hee ត្រូវអ្នកប្រើបណ្ដាញអ៊ីនធឺណិតស្គាល់ស្ទើរគ្រប់គ្នា ដោយសាររឿងអាស្រូវស្នេហា និងសេពគ្រឿងញៀនជាមួយ T.O.P។ តាំងពីពេលនោះមក នាងតែងបង្ហាញមុខជារឿយៗលើបណ្ដាញសង្គម ហើយតែងបង្កការភ្ញាក់ផ្អើលគ្រប់ពេល ដូចជាព្យាយាមហែកកេរ្តិ៍ T.O.P និងមានជម្លោះជាមួយអ្នកគាំទ្រក្រមចម្រៀងល្បីមួយចំនួន។
ដោយឡែកថ្មីៗនេះ Seo Hee បានវិលមកជាថ្មី ក្រោយពាក្យចចាមអារ៉ាមល្បីថា នាងកំពុងទាក់ទងជាមួយតារាចម្រៀងរបស់ផលិតកម្ម SM។ បុរសម្នាក់នោះគឺ Taeil ដែលជាសមាជិករបស់ក្រុមចម្រៀង NCT។
ជុំវិញរឿងរ៉ាវនេះដែរ តារាស្រីវ័យក្មេងរូបនេះ បានបង្ហោះរូបសារឆ្លើយឆ្លង ១ កាលពីថ្ងៃទី ១៣ ខែមីនាកន្លងទៅ នៅពេលដែលអ្នកប្រើបណ្ដាញអ៊ីនធឺណិតម្នាក់សួរថា តើនាងពិតជាទាក់ទងគ្នាជាមួយ Taeil (សមាជិក NTC) មែនឬយ៉ាងណា? ហើយនាងបានឆ្លើយតប ថាជាការយល់ច្រឡំ។
នេះបញ្ជាក់យ៉ាងច្បាស់ថា អ្វីគ្រប់យ៉ាងមិនមែនជាការពិត ក្រោយមានការបកស្រាយភ្លាមៗពីខាងសាមីខ្លួន។ ម្យ៉ាងនាងក៏មិនចង់មានរឿងវែងឆ្ងាយដែរ៕