ស្តែងណាស់! ប៉ូលិសសុខចិត្តធ្វើរឿងគ្រោះថ្នាក់មួយ ដើម្បីជួយជីវិតស្ត្រីលោតពីលើអគារ (មានវីដេអូ)

2018-03-17 03:54:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីជនជាតិចិនដែលបានប៉ុនប៉ងលោតសម្លាប់ខ្លួនពីលើអគារ ត្រូវបានជួយសង្គ្រោះដោយប៉ូលិសក្លាហានម្នាក់កាលពីសប្ដាហ៍មុន។

នៅក្នុងវីដេអូនេះ គេឃើញស្ត្រីម្នាក់អង្គុយមាត់បង្អួចអគារ ហើយមិនយូរប៉ុន្មានក៏លោតចុះមកដីតែម្ដង។ ស្ត្រីដែលមិនបញ្ចេញឈ្មោះខាងលើ ត្រូវបានគេរាយការណ៍ថាបានឈ្លោះប្រកែកជាមួយប្ដី មុនពេលដែលនាងសម្រេចចិត្តលោតសម្លាប់ខ្លួន។

ជាសំណាងល្អ ប៉ូលិសបានទៅដល់កន្លែងកើតឡើងទាន់ពេលវេលា និងត្រៀមខ្លួនចាំចាប់ស្ត្រីនោះនៅខាងក្រោម។ ប៉ូលិសម្នាក់បានយកដៃចាប់ស្ត្រីនោះ រួចផ្ដួលខ្លួនទៅលើដី ដើម្បីទ្រនាងកុំឲ្យមានគ្រោះថ្នាក់ធ្ងន់ធ្ងរ។

ក្រោយពេលកើតហេតុ ស្ត្រីខាងលើត្រូវបានរាយការណ៍ថាមិនមានគ្រោះថ្នាក់ធ្ងន់ធ្ងរនោះទេ។ ទោះជាយ៉ាងណាក៏ដោយ ប៉ូលិសដ៏ក្លាហានខាងលើ បានរងរបួសបាក់ឆ្អឹងខ្នង ដោយសារតែបោកផ្ទប់ទៅនឹងដី ហើយត្រូវបញ្ជូនទៅមន្ទីរពេទ្យភ្លាមៗ។ ជាសំណាងល្អ ការព្យាបាលបានដំណើរការយ៉ាងរលូន ហើយប៉ូលិសរូបនេះ ក៏ធូរស្បើយច្រើនផងដែរ៕