អត្ថន័យពីក្រោយចិញ្ចៀនតម្លៃរាប់សែនដុល្លាររបស់ Kylie Jenner

2018-03-18 04:57:25
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាបានដឹងហើយថា តារាកម្មវិធីទូរទស្សន៍ Kylie Jenner ចូលចិត្តប្រើប្រាស់របស់ដែលល្អឥតខ្ចោះ ហើយប្រសិនបើនិយាយពីគ្រឿងអលង្ការវិញនោះ គឺនាងប្រើប្រាស់មិនមែនរបស់ក្នុងតម្លៃត្រឹមពាន់ដុល្លារនោះទេ។

ក្រោយពីសម្រាលកូនស្រីដំបូងឈ្មោះ Stormi របស់នាងរួចមក តារាស្រីរូបនេះត្រូវបានអ្នកគាំទ្រជាច្រើនចាប់អារម្មណ៍ទៅលើចិញ្ចៀនដែលនៅលើដៃរបស់នាង ដោយឆ្ងល់ថាអក្សរដែលនៅលើចិញ្ចៀនមួយនោះមានអត្ថន័យយ៉ាងដូចម្ដេច?

ខណៈមិនបានបកស្រាយពីចម្ងល់របស់អ្នកគាំទ្រ តារាកម្មវិធីទូរទស្សន៍រូបនេះបានចែកចាយរូបភាពចិញ្ចៀនរបស់នាងដែលមានអក្សរ JW លើកម្មវិធី Snapchat។ រូបនោះដែរ នាងបានសរសេរថា៖ "Jacques Webster & Jordyn Woods”។ ចិញ្ចៀននោះផងដែរ ត្រូវបានច្នៃឡើងពីមាសនិងពេជ្រ ដោយហាងលក់គ្រឿងអលង្ការ jeweler XIV Karats នៅតំបន់ Beverly Hills។ បើនិយាយពីតម្លៃវិញ គឺមានតម្លៃរហូតដល់ ៤៥ម៉ឺនដុល្លារឯណោះ។

បើតាមវិបសាយ EOnline បានឲ្យដឹងថា តារាស្រីរូបនេះអាចនឹងបង្ហាញតម្រុយពីចិញ្ចៀនមួយនេះអាចជាចិញ្ចៀនភ្ជាប់ពាក្យរបស់នាង ព្រោះថាអ្នកគាំទ្របានស្រាវជ្រាវដឹងថាឈ្មោះ Jacques Webster នៅលើចិញ្ចៀននោះជាឈ្មោះពិតប្រាកដរបស់តារាចម្រៀង Travis Scott។

គួររម្លឹកដែរថា តារាកម្មវិធីទូរទស្សន៍ Kylie Jenner និងតារាចម្រៀង Travis Scott បានទទួលកំណើតកូនស្រីដំបូងរបស់ពួកគេកាលពីខែកុម្ភៈ ក្រោយពេលដំណឹងមានផ្ទៃពោះរបស់តារាស្រីរូបនេះត្រូវបានផ្សព្វផ្សាយ៕

ចុចអាន៖

ប្រភព៖ The Richest ប្រែសម្រួល៖ អន សុភក្ត្រា