មកមើលសណ្ឋានខ្សែបាតដៃតារាអាស៊ី និងជ្រាបអត្ថន័យពីក្រោយទាំងអស់គ្នា

2018-03-19 04:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបាតដៃមនុស្សមានសភាពខុសៗគ្នា ដែលសុទ្ធតែអាចបញ្ជាក់ពីជោគជតារាសី ភាពជោគជ័យ និងទ្រព្យសម្បត្តិម្នាក់ៗ។

មនុស្សភាគច្រើនតែងចង់ដឹងពីអត្ថន័យនៃខ្សែបាតដៃខ្លួន ក៏ដូចជាបុគ្គលល្បីៗមួយចំនួន ពិសេសតារាសំណព្វចិត្ត តើមានរាងយ៉ាងណា? ជាការពិត ខ្សែបាតដៃចែកចេញ ជា៣ប្រភេទ គឺខ្សែបាតដៃស្វា រាងអក្សរ M និងរាងធាងដូង។ ដូចនេះតើសណ្ឋានបាតដៃ របស់តារាចិន និងកូរ៉េ មានរាងដូចម្ដេចខ្លះ? ដូចនេះមកដឹងអត្ថន័យពីក្រោយទាំងអស់គ្នា៖

១. តារាចិន Tang Wei

តារាស្រីរូបនេះ មានខ្សែបាតដៃស្វា ដែលអាចបញ្ជាក់បានថានាងជាមនុស្សឆ្លាតវៃ និងមានគំនិតឆ្លាតខាងធ្វើជំនួញ។

២. តារាចម្រៀងកូរ៉េ Taeyeon (Girls' Generation)

ខ្សែបាតដៃរបស់ មេក្រុម Girls' Generation រូបនេះមានរាងជាអក្សរ M។ អ្នកដែលមានខ្សែបាតដៃប្រភេទនេះ ជាមនុស្សអស្ចារ្យ ឆ្លាត ក្លាហាន និងមានសំណាង។

៣. លោក Yang Hyun Suk

ទោះបី កម្រឃើញលោកលើកដៃបង្ហាញ ប៉ុន្តែមហាជនភាគច្រើនសុទ្ធតែដឹងថា ម្ចាស់ផលិតកម្ម YG រូបនេះ មានខ្សែបាតដៃរាងធាងដូង។ ដូចនេះមានន័យថា លោកជាមនុស្សម្នាក់ដែលជោគជ័យ និងតែងនាំមុខគេជានិច្ចក្នុងការងារដែលបំពេញ។

៤. តារាចម្រៀងកូរ៉េ Irene (ក្រុម Red Velvet)

ស្រីស្អាតរូបនេះក៏មានបាតដៃរាងជាអក្សរ M ដែរ ហើយដូចអ្នកគាំទ្រជាច្រើនបានកត់សម្គាល់រួចមកហើយថា នាងជាតារាលេចធ្លោម្នាក់តាំងពីចូលសិល្បៈភ្លាម។ ជាពិសេស Irene ក៏ជានារីពូកែម្នាក់ដែរ។

៥. តារាកូរ៉េ J-Hope (ក្រុម BTS)

គ្រប់សមាជិករបស់ BTS សុទ្ធតែមានរូបភាពបាតដៃ ដែលបានថតឲ្យទស្សនាវដ្ដី។ សម្រាប់ J-Hope មានលក្ខណៈពិសេសគួរឲ្យចាប់អារម្មណ៍ជាងគេ ព្រោះលោកមានខ្សែបាតដៃរាងអក្សរ M។ ដូចនេះប្រាកដណាស់ តារាប្រុសរូបនេះ គឺជាមនុស្សមានសមត្ថភាពអស្ចារ្យ និងតែងជោគជ័យជានិច្ចនូវរាល់កិច្ចការដែលបានបំពេញ។

៦. តារាកូរ៉េ Jungkook (ក្រុម BTS)

ខុសពី J-Hope កូនពៅក្រុមBTS បែរជាមានខ្សែដៃស្វា ដូចនេះលោកជាមនុស្សមានសំណាងខ្ពស់ ហើយប្រសិនធ្វើជំនួញ Jungkook ក៏នឹងជោគជ័យដែរ។

៧. តារាកូរ៉េ Eun Ji (ក្រុម APINK)

បើគ្រាន់តែ លើកឡើងថា Eun Ji ជាមនុស្សមានទេពកោសល្យខ្ពស់ ព្រោះមានខ្សែដៃរាងអក្សរ M ប្រាកដជាមិនសូវមានអ្នកជឿទេ។ ប៉ុន្តែតាមរយៈស្នាដៃដែលនាងសម្រេចបាននាពេលកន្លងមក ពិតជាអាចបញ្ជាក់ច្បាស់ថា តារាស្រីរូបនេះជាមនុស្សអស្ចារ្យ និងក្លាហានបំផុត៕

ប្រភព៖ Koreaboo ប្រែសម្រួល៖ យី សុធារី