អតីតស្វាមី Britney Spears ថាទឹកប្រាក់ខ្លួនទទួលបាន មិនគ្រប់គ្រាន់ដើម្បីចិញ្ចឹមកូន

2018-03-21 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Keven Federline វ័យ ៣៩ឆ្នាំអតីតស្វាមីរបស់ Britney កំពុងតែមិនចុះសម្រុងគ្នាជាមួយអតីតភរិយារឿងទឹកប្រាក់ចិញ្ចឹមកូន។

លោក Ferderline បានឈ្នះក្ដីនិងមានសិទ្ធិចិញ្ចឹមកូនប្រុសទាំងពីរគឺ Preston វ័យ ១២ឆ្នាំនិង Jayden វ័យ១១ឆ្នាំ។ ថ្មីនេះលោកបានទាមទារទឹកប្រាក់បន្ថែមទៀតពីអតីតភរិយា Britney ដែលពេលនេះតែងតែផ្គត់ផ្គង់លោកទឹកប្រាក ២ម៉ឺនដុល្លារក្នុងមួយខែ។

បើតាមទស្សនាវដ្ដី US Weekly តារាចម្រៀងរូបនេះនិងឪពុកខ្លួនលោក Jamie Spears បានផ្ដល់នូវគម្រោងផ្គត់ផ្គង់កូនថ្មីទៅកាន់អតីតស្វាមី ប៉ុន្តែពេលនេះលោកមិនពេញចិត្តនឹងគម្រោងនោះទេ។ លោក Kevin ចង់ឲ្យ Britney កែប្រែបន្ថែមនូវទឹកប្រាក់នោះ ដោយមិនចង់ឲ្យមានការដឹងឮពីតុលាការ ប៉ុន្តែការចរចានោះគឺមិនមែនងាយស្រួលនោះទេ។

លោក Federline និងក្រុមមេធាវីខ្លួន បានទាមទារទឹកប្រាក់សម្រាប់ផ្គត់ផ្គង់កូន គឺគិតយកតាមភាគរយនៃចំណូលប្រចាំឆ្នាំរបស់ម្ចាស់បទ "Work Bitch” តែម្ដង។ បញ្ហានេះបានធ្វើឲ្យ Britney ខ្វល់ខ្វាយជាខ្លាំង ប៉ុន្តែនាងមិនសុខចិត្តផ្ដល់ឲ្យ ទឹកប្រាក់យ៉ាងច្រើនសន្ធឹកសន្ធាប់ដែលនាងខិតខំរកបាន ដោយងាយស្រួលពេកដូច្នេះឡើយ។

Kevin និង Britney បានរៀបការតាំងពីខែតុលា ឆ្នាំ ២០០៤ មកម្ល៉េះ ហើយក៏បានបែកគ្នាទៅវិញបន្ទាប់ពីរៀបការបាន ៣ឆ្នាំ។ បន្ទាប់ពីបែកគ្នា Britney មានបញ្ហាផ្លូវចិត្តធ្ងន់ធ្ងរ ដែលបានធ្វើឲ្យបាត់បង់សិទ្ធិចិញ្ចឹមកូនទាំងពីរ។ ពេលនេះនាងកំពុងតែទាក់ទងជាមួយតារាម៉ូដែល Sam Asghari និងរស់នៅយ៉ាងមានសេចក្ដីសុខជាមួយគ្នា៕