Monitor ពីរមិនគ្រប់ ចង់ថែមបីបួន តែប្រយ័ត្នវរៗទិញហើយប្រើមិនកើត

2018-03-25 02:34:42
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ន ការប្រើកុំព្យូទ័រ មាន Monitor ពីរហាក់បីដូចជាសាមញ្ញទៅហើយ ក្នុងការអនុវត្តការងារ ឬកម្សាន្ត ក្នុងពេលតែមួយ ឧទាហរណ៍ សរសេរអត្ថបទ ខណៈបើកទំព័រស្រាវជ្រាវជាដើម។

មុនអ្នកទិញ Monitor បន្ថែម គួរពិនិត្យមើលចំណុចទាំងនេះ វរៗទិញហើយ យកមកប្រើមិនបាន។

ត្រួតពិនិត្យ Graphic card

អ្នកគួរត្រួតពិនិត្យមើលសមត្ថភាព Graphic អាចទ្រទ្រង់ Monitor បន្ថែមបានដែរ ឬអត់។

អ្នកគួរពិនិត្យមើលរន្ធ Graphic (DVI, HDMI, DisplayPort និង VGA) សម្រាប់ភ្ជាប់។ Motherboard ភាគច្រើនប្រើ Graphic ជាប់ ដែលអាចដំណើរការដំឡើងបានតែ Monitor ពីរប៉ុណ្ណោះ។ បើអ្នកមានប្រើ Graphic Card អ្នកមានរន្ធភ្ជាប់យ៉ាងតិច បី។

ចំណាំ ពេលអ្នកដំឡើង Monitor ច្រើនទាំងប្រើរន្ធជាប់នឹង Motherboard ឬ Graphic Card ល្បឿនប្រើប្រាស់កុំព្យូទ័រនឹងធ្លាក់ចុះបន្តិច ពេលរំកិលផ្ទាំង Windows ឆ្លង Monitor។ ហើយក៏ត្រូវចូលទៅ BIOS របស់ PC ត្រង់ Configuration > Video > Integrated graphics device និងកំណត់វាទៅ Always enable។

ពេលអ្នកឃើញរន្ធច្រើនលើ Graphic Card មិនមែនមានន័យថា អ្នកអាចប្រើបានទាំងអស់នោះទេ ឧទាហរណ៍ Nvidia Card ចាស់ៗជាច្រើន មិនអាចប្រើ Monitor លើសពីពីរឡើយលើ Card តែមួយ។ អ្នកអាចស្វែងរកព័ត៌មាន Graphic card លើអ៊ីនធឺណិតជាមួយនឹងឈ្មោះ ដោយចូលទៅកាន់ Control Panel > Device Manager > Display Adapters ហើយស្រាវជ្រាវឈ្មោះ និងចំនួន Monitor ដូចជា Nvidia GTX 770 four monitors។

បើ Graphic Card មួយមិនអាចប្រើចំនួន Monitor អ្នកចង់បាន អ្នកអាចទិញបន្ថែម ដោយប្រាកដថា លើ Motherboard មានកន្លែង និង Slot គ្រប់គ្រាន់ ក៏ដូចជា Power Supply មានសមត្ថភាពគ្រប់គ្រាន់ក្នុងការផ្គត់ផ្គង់។ បើមិនច្បាស់អាចស្នើសុំយោបល់ពីអ្នកជំនាញ នៅហាងកុំព្យូទ័រនានាបាន។

Monitor, រន្ធ និងខ្សែ

ក្រោយគ្រប់យ៉ាងអាចប្រាកដថាប្រើបាន លើចំនួន Monitor អ្នកចង់ប្រើ។ អ្នកអាចជ្រើសរើស Monitor តាមចំណូលចិត្ត និងថវិកាបម្រុងទុក។

ចំពោះការជ្រើសរើស Monitor មានកត្តាច្រើនពាក់ព័ន្ធ រួមមាន Monitor កំពុងប្រើ ទំហំតុ និងគម្រោងប្រើប្រាស់លើ Monitor បន្ថែមនោះ។ មុនអ្នកទិញ Monitor គួរពិនិត្យមើលរន្ធភ្ជាប់ឲ្យត្រូវនឹងអ្វីអ្នកមាន បើមិនដូច្នោះ អ្នកប្រហែលជាត្រូវទិញខ្សែបម្លែង DVI ទៅ HDMI ឬ DisplayPort ទៅ DVI។

ការដំឡើង

ការដំឡើង Monitor មិនមែនត្រឹមដោតភ្ជាប់ បើកកុំព្យូទ័រ អាចប្រើបានស្រួលភ្លាមនោះទេ អ្នកត្រូវធ្វើការងារលើវាបន្តិចទៀត។

អ្នកត្រូវកែប្រែចំណុច ដើម្បីឲ្យផ្ទាំង Window ងាយស្រួលប្រើ។ បើអ្នកប្រើប្រព័ន្ធប្រតិបត្តិការ Windows 7 ឬ 8 អ្នកចុច Mouse ស្ដាំលើ Desktop > ចុចលើ Screen resolution។ បើលើ Window 10 ចុចលើ Display settings។ អ្នកនឹងឃើញផ្ទាំងមួយ សម្រាប់កែប្រែជម្រើសប្រើប្រាស់ Monitor ច្រើន។

អ្នកអាចធ្វើការជ្រើសរើសតាមការគួរ ដូចជា Monitor មួយណាបង្ហាញចំណុចចាប់ផ្ដើមដំបូង (បង្ហាញជម្រើសកម្មវិធី ឬ Taskbar)។ ហើយលើនោះ អ្នកអាចជ្រើសរើស ស្ទួន (Duplicate) Desktop ឬពង្រីក (Extend) Desktop គ្រប់អេក្រង់។

ឬ អ្នកអាចដំឡើង Monitor ច្រើនក្នុង Control panel របស់ GPU។ អ្នកចុច Mouse ស្ដាំលើ Desktop ហើយជ្រើសរើស Nvidia ឬ AMD control panel (អាស្រ័យលើ Graphic card) និងស្វែងរកផ្នែក Display ដែលមានជម្រើសស្រដៀងនឹង Windows៕