ត្រៀមលុយ! Apple នឹងប្រកាសចេញ iPad តម្លៃខ្ទង់ ២០០ ដុល្លារ សប្ដាហ៍ក្រោយ

2018-03-24 06:57:23
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple នឹងប្រារព្ធកម្មវិធីមួយនាថ្ងៃទី ២៧ ខែមីនានេះ ដែលគេគ្រប់គ្នាជឿថា iPad ជំនាន់ថ្មី មានតម្លៃធូរថ្លៃនឹងត្រូវប្រកាសចេញក្នុងកម្មវិធីនេះ។

iPad ចេញឆ្នាំមុន

លោក Mark Gurman ធ្វើការប្រចាំនៅ Bloomberg បាននិយាយថាច្បាស់ណាស់ iPad តម្លៃធូរថ្លៃ នឹងបង្ហាញចេញនៅកម្មវិធីដែលធ្វើឡើងនៅទីក្រុង Chicago មួយនេះ អមជាមួយនឹង Software ថ្មី បង្កើតសម្រាប់ថ្នាក់រៀន។

ចំណែកឯ Scott Stein នៃសារព័តមាន Cnets បានទស្សន៍ទាយថា Apple អាចនឹងបន្ថែមការ Support នូវ Apple Pencil ជាមួយ iPad តម្លៃធូរថ្លៃនេះ ដើម្បីប្រើជាមួយកម្មវិធីសិល្បៈ និងក្រាហ្វិកមួយចំនួន។

ទាក់ទងនឹងតម្លៃរបស់ iPad ជំនាន់ថ្មីនេះ សារព័ត៌មាន DigiTimes ធ្លាប់បានចេញផ្សាយថាតម្លៃនឹងមានខ្ទង់ ២៥៩ ដុល្លារ ប៉ុណ្ណោះ ដើម្បីប្រជែងនឹង Chromebook របស់ Google។

គួរដឹងថា iPad បច្ចុប្បន្នមានតម្លៃចាប់ពី ៣២៩ ដុល្លារ (ប្រភេទប្រើ Wi-Fi) ដល់ ៤៥៩ ដុល្លារ (ប្រភេទប្រើស៊ីមកាត)។ ចំពោះព័ត៌មានលម្អិតផ្សេងៗទាក់ទងលក្ខណៈសម្បត្តិរបស់ iPad ស៊េរីថ្មី នៅមិនទាន់ដឹងនៅឡើយទេ៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ Cnet ប្រែសម្រួល៖ សុខហេង