អ្នកប្រើ S9/S9+ ជួបបញ្ហាមួយស្រដៀងជំនាន់ iPhone 6/6 Plus

2018-03-25 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy S9 និង S9+ ទើបនឹងប្រកាសចេញកាលពីប៉ុន្មានខែមុន មកទល់ពេលនេះមានអ្នកប្រើប្រាស់មួយចំនួនរាយការណ៍ថា បានជួបបញ្ហាមួយដូចទៅនឹងជំនាន់ iPhone 6/6Plus។

via GIPHY

រូបតំណាង

យោងតាមប្រភពព័ត៌មានពីវិបសាយផ្លូវការ Samsung Community ដែលជាកន្លែងឆ្លើយឆ្លងសំនួរ-ចម្លើយរវាងអ្នកប្រើប្រាស់រាល់ផលិតផល Samsung បានឲ្យដឹងថា "មានបុរសម្នាក់ជួបបញ្ហាគាំងថាច់ស្រ្កីន Galaxy S9 ធ្វើឲ្យទូរសព្ទមិនអាចដំណើរបានរលូន។ អ្នករាយការណ៍រូបនោះក៏បានបន្ថែមថា រូបគេបានប្រទះឃើញស្នាមខ្មៅពីរ-បីកន្លែងនៅខាងក្រោមផ្ទៃអេក្រង់។"

via GIPHY

រូបតំណាង

ចំពោះបញ្ហានេះវិបសាយបច្ចេកវិទ្យាបរទសជាច្រើនបានចុះផ្សាយព្រោងព្រាត ខ្លះបានហៅបញ្ហានេះថាជា ជំងឺថាច់ស្ក្រីន(Touch Disease) ដែលគេធ្លាប់ជួបម្ដងរួចហើយកាលពីឆ្នាំ ២០១៦ នៅលើម៉ូឌែល iPhone 6 និង 6 Plus របស់ក្រុមហ៊ុន Apple។

ដោយឡែក បញ្ហារបស់អ្នកប្រើខាងលើនេះនៅមិនទាន់មានដំណោះស្រាយណាមួយនៅឡើយទេ រង់ចាំការឆ្លងតបពីអ្នកជំនាញបច្ចេកទេសខាង Samsung ជាមុនសិន៕

ប្រភព៖ Dailymail | Samsung | idropnews ប្រែសម្រួល៖ រក្សា