Huawei លេងយកឡានមកចតពីមុខ ហាង Samsung និង Apple អ៊ីចឹងហ្មង!

2018-03-24 02:26:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei បានចាប់ផ្ដើមបញ្ចេញរថយន្តដឹកទំនិញធំៗដើម្បីផ្សព្វផ្សាយពីស្មាតហ្វូនត្រកូល P ជំនាន់ថ្មី នៅក្នុងទីក្រុងធំៗមួយចំនួន រួមមានទីក្រុងឡុងដុង ចក្រភពអង់គ្លេសផងដែរ។

អ្វីគួរឲ្យចាប់អារម្មណ៍នោះគឺ រថយន្តដឹកទំនិញត្រូវបានគេប្រទះឃើញចតនៅខាងមុខហាងរបស់ Samsung និង Apple ផ្ទាល់តែម្ដង។ ក្រៅពីផ្ទាំងផ្សព្វផ្សាយនេះ Huawei ក៏បានបាញ់ថ្នាំលើផ្លូវថ្មើរជើងនៅតំបន់ក្បែរហាង Samsung និង Apple ដែរ។

គួរដឹងថា Huawei P20 Pro នឹងមានកាមេរ៉ាខាងក្រោយដល់ទៅ ៣ គ្រាប់ និងមានកាមេរ៉ាមួយគ្រាប់មានកម្រិត ៤០ MP។ ចំណែក P20 មានកាមេរ៉ាខាងក្រោយ ២ គ្រាប់ដដែល និងមិនច្បាស់ថាកាមេរ៉ាមានកម្រិតដល់ ៤០ MP ដែរឬយ៉ាងណាទេ។

កម្មវិធីប្រកាសចេញស្មាតហ្វូនត្រកូល P ជំនាន់ថ្មីនឹងធ្វើឡើងនាថ្ងៃទី ២៧ ខែមីនា ខាងមុខ នៅទីក្រុងប៉ារីស ប្រទេសបារាំង៕

ចុចអាន៖

ប្រភព៖ GSMarena ប្រែសម្រួល៖ សុខហេង