មកស្គាល់ម៉ាកម៉ូតូ លក់ដាច់បំផុតក្នុងលោក មានយីហោតាំងពីអាមេរិកដល់អ៊ីតាលី

2018-03-27 02:23:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងទីផ្សារកម្ពុជាម៉ាកម៉ូតូពេញនិយមបំផុតរួមមាន Honda, Yamaha, Suzuki ប៉ុន្តែបើក្រឡេកទៅទីផ្សារពិភពលោកស្លាកយីហោក្រុមហ៊ុនធំៗជាច្រើនទៀត កំពុងប្រកួតប្រជែងគ្នាពីមួយឆ្នាំទៅមួយឆ្នាំ។ Sabay ណែនាំឲ្យស្គាល់ម៉ាកម៉ូតូលក់ដាច់បំផុតទាំង ១០ ក្នុងទីផ្សារពិភពលោក ដែលមានតាំងពីក្រុមហ៊ុនអាមេរិកដល់អ៊ីតាលី។

១០.Victory Motorcycles:

ជាក្រុមហ៊ុនសហរដ្ឋអាមេរិកបង្កើតឡើងនៅឆ្នាំ ១៩៩៨ ចេញពីសម្ព័ន្ធនៃក្រុមហ៊ុន Polaris Industry។ ជោគជ័យខ្លាំងលើពួកម៉ូតូ Harley Davidson ដោយម៉ូឌែលដំបូងបង្អស់ឲ្យឈ្មោះ V92C លុះមានជាបន្តបន្ទាប់មិនថា Gunner, Hammer, Vegas Jackput និង Octane ជាដើម។

៩.BMW:

ស្លាកយីហោរបស់ប្រទេសអាល្លឺម៉ង់ បែកចេញពីក្រុមហ៊ុន Corporate & Brand Development ដោយម៉ូឌែលដំបូងបង្អស់ R32 លេចចេញនាឆ្នាំ ១៩២៣ មានម៉ាស៊ីនប្រភេទ Flat-twin។ បច្ចុប្បន្នមានរោងចក្រដំឡើងធំបំផុតនៅទីក្រុង Berlin និងខ្លះទៀតចែកចាយនៅប្រទេសចិន, តៃវ៉ាន់និងអូទ្រីស។

បុគ្គលនៅពីក្រោយភាពជោគជ័យនៃការរចនាគំរូម៉ូតូ BMW គឺលោក David Robb មានតំណែងជាប្រធានផ្នែករចនាតាំងពីឆ្នាំ ១៩៩៣ ដល់ ២០១២ មុនលោក Edgar Heinrich ចូលមកជំនួស។ ក្នុងស្លាកយីហោមួយនេះ មានបែងចែកជាសេរ៊ី C,F,G,R និង K។

៨.Moto Guzzi:

ជាក្រុមហ៊ុនមានវ័យចំណាស់មួយចាប់កំណើតនៅតំបន់អឺរ៉ុប ដោយមានការិយាល័យធំនៅទីក្រុង Mandello del Lario ក្នុងប្រទេសអ៊ីតាលី។ ដើរតួយ៉ាងសំខាន់ក្នុងការផលិតម៉ូតូប្រណាំងដូចជា Carlo Guzzi, Giorgio Parodi និង Giovanni Ravelli ដែលផ្ទុះការចាប់អារម្មណ៍ក្នុងអំឡុងឆ្នាំ ១៩២១។ ជាប់ឈ្មោះជាក្រុមហ៊ុនផលិតម៉ូតូបានច្រើនបំផុតលំដាប់ទី ៤ ក្នុងពិភពលោក។

៧.Triumph:

មានមូលដ្ឋានក្នុងចក្រភពអង់គ្លេស ផលិតទាំងម៉ូតូ, គ្រឿងបរិក្ខារនិងសំលៀកបំពាក់។ តាមការបង្ហើបពីចំណូលកន្លងទៅ ទទួលបាន ៥២៨ លានផោន មានបុគ្គលិកបម្រើការ ១ ៦០០ នាក់។ សេរ៊ីលក់ដាច់បំផុតរបស់ក្រុមហ៊ុនមួយនេះ មាន Scrambler, Street Tiwn, Daytona 675, Tiger 800។

៦.Honda:

ក្រុមហ៊ុនដែលមានអ្នកស្គាល់ច្រើននៅអាស៊ី ដោយមានមូលដ្ឋានក្នុងប្រទេសជប៉ុនឈរលើវិស័យផលិតយន្តហោះ, រថយន្ត, ម៉ូតូ និងគ្រឿងម៉ាស៊ីន។ ជាប់ឈ្មោះជាក្រុមហ៊ុនធំបំផុតលើវិស័យផលិតម៉ូតូតាំងពីឆ្នាំ ១៩៥៩ មុនពេលលេចមុខមាត់ជាផ្លូវការនាឆ្នាំ ១៩៤៦។ នៅឆ្នាំ ២០១៤ ក្រុមហ៊ុនមានចំណូលសរុប ១៩៩ ពាន់លានដុល្លារ និងមានបុគ្គលិកប្រមាណ ១៩៨ ៥៦១ នាក់។

៥.Suzuki:

ជាក្រុមហ៊ុនរួមប្រទេសតែមួយ ជាមួយនឹង Honda ដោយមានផលិតតាំងពីរថយន្ត, ម៉ូតូ, រទេះរុញ និងគ្រឿងម៉ាស៊ីនផ្សេងៗ។ ក្នុងឆ្នាំ ២០១១ ជាប់ឈ្មោះជាក្រុមហ៊ុនផលិតយានយន្តធំបំផុតលំដាប់ទី ៩ ក្នុងពិភពលោក។

៤.Ducati:

ក្រុមហ៊ុនស្ថិតនៅទីក្រុង Bologna ប្រទេសអ៊ីតាលីមួយនេះ ស្ថិតក្រោមការគ្រប់គ្រងរបស់ក្រុមហ៊ុនអាល្លឺម៉ង់ Audi ក៏ដូចជាសម្ព័ន្ធ Lamburghini។ បង្កើតឡើងឆ្នាំ ១៩២៦ ដោយលោក Antonio Cavalieri និងកូនប្រុស Marcelo Bruno និង Adriano Ducati។

ក្នុងឆ្នាំ ២០១២ ក្រុមហ៊ុនទាំងមូលបានលក់ទៅឲ្យ Audi ដែលជាសម្ព័ន្ធនៃ Volkswagen ក្នុងតម្លៃ ៨៦០ លានអឺរ៉ូ ហើយមានការកាន់កាប់តាមម្ចាស់ភាគហ៊ុនច្រើនទៀតដូចជា VM Group, Cagiva Group, Texas-Pacific និង Automobili Lamborghini។

៣.Yamaha:

មិនខុសពី Honda និង Suzuki ក្រឡេកទៅ Yamha ក៏ជាក្រុមហ៊ុនឈរលើឧស្សាហកម្មចម្រុះរួមមានឧបករណ៍អេឡិចត្រូនិក, ឧបករណ៍ភ្លេង, ឧបករណ៍កីឡា និងម៉ូតូ។ រកឃើញដំបូងនៅឆ្នាំ ១៨៨៧ ដោយ Torakusu Yamaha និងក្រុមហ៊ុនផលិតប៉្យាណូ Nippon Gakki Company, Ltd។ ម៉ូតូចេញលក់មុនគេបង្អស់ឲ្យឈ្មោះ YA-1 ហើយក៏ទទួលបានភាពជោគជ័យយ៉ាងធំធេង រហូតផលិតជាបន្តបន្ទាប់នូវម៉ូតូ Scooter, ប្រភេទម៉ូតូធំ រហូតដល់កូនទូកតូចៗទៀតផង។

២.Aprilia:

ដោយទើបតែធ្វើឲ្យពិភពលោកភ្ញាក់ផ្អើលជាមួយម៉ូតូ V4 RSV4 ប្រើកម្លាំងម៉ាស៊ីន ១ ០០០ សេសេ។ បង្កើតឡើងនាឆ្នាំ ១៩៤៥ ដោយលោក Cavaliere Alberto Beggio ហើយក្រោយមកស្នងតំណែងដោយកូនប្រុស Ivano Beggio ទាក់ទងចង្វាក់ផលិតកម្មម៉ូតូនាឆ្នាំ ១៩៦៨។

១.Kawasaki:

ល្បីទាំងនៅតំបន់អឺរ៉ុប និងអាស៊ី ក្រោយក្រុមហ៊ុនយក្សមួយនេះពង្រីករោងចក្រច្រើនកន្លែងមិនថាតែនៅអាមេរិក, ជប៉ុន, ឥណ្ឌូណេស៊ី, ថៃ និងហ្វីលីពីន។ ដំបូងឡើយមានឈ្មោះ Meguro ព្រោះត្រូវក្រុមហ៊ុន Meguro Manufacturing ទិញយក ប៉ុន្តែក្រោយមកក៏សម្រេចប្តូរមក Kawasaki Motor Sales បែបនេះវិញ ហើយការបញ្ចូលនៃក្រុមហ៊ុនទាំង ២ លេចចេញជាឈ្មោះផ្លូវការមួយគឺ Kawasaki Motorcycles Co, Ltd។ ម៉ូឌែលដំបូង H1 បានប្រកួតប្រជែងយើងខ្លាំងជាមួយក្រុមហ៊ុន Suzuki, Honda និង Yamaha។