ចេញមកហើយតម្លៃ និងកម្លាំងម៉ាស៊ីន Huawei P20/P20 Pro ខ្លាំងដូចគេថាមែន

2018-03-26 11:41:04
ចំនួនមតិ 0 | ចំនួនចែករំលែក 0

ចន្លោះមិនឃើញ

នាថ្ងៃទី ២៧ មិនាខាងមុខនេះក្រុមហ៊ុន Huawei នឹងបើកបង្ហាញស្មាតហ្វូនជំនាន់ក្រោយម៉ូឌែល P20 និង P20 Pro ជាផ្លូវការ ប៉ុន្តែស៊យអ្វីហាងចែកចាយ Saturn នៅប្រទេសអាល្លឺម៉ង់បានទម្លាយចេញទាំងដុលមិនថាតែផ្នែកលក្ខណៈសម្បត្តិគ្រឿងនិងតម្លៃ។

ប្រភពដដែលបានឲ្យដឹងថា P20 នឹងប្រើកាមេរ៉ាភ្លោះទំហំ 20MP+12MP ដោយមួយគ្រាប់ជា Monochrome និងមួយគ្រាប់ទៀតជា RGB ដូចលើ Mate 10 ស្របពេល P20 Pro ឡើងកូដប្រើដល់ ៣ គ្រាប់ ទំហំ 40+20+8MP ពុំធ្លាប់មានលើស្មាតហ្វូនណាៗទាំងអស់។

ធុនតូច P20 អមអេក្រង់ឆកកណ្តាលទំហំ ៥,៨ អ៊ីញ កម្រិត ២ ២៤០ x ១ ០៨០ ភីកសែល ដោយប្រើឈីប Kirin 970 រត់នៅល្បឿន 2,36GHz ដោយមាន RAM 4GB និង ROM 128GB ប៉ុន្តែគ្មានរន្ធបន្ថែម microSD។ ថាមពលថ្ម ៣ ៣៤០ mAh គាំទ្របច្ចេកវិទ្យាសាកថ្មរហ័ស SuperCharge នៃក្រុមហ៊ុនប្រទេសចិនមួយនេះផ្ទាល់ ដំណើរការលើ Android Oreo សម្របផ្ទៃ Interface EMUI 8.1។

ចំណុចពិសេសលើ P20 Pro ដូចការលើកឡើងពីខាងដើម ទាក់ទងផ្នែកកាមេរ៉ា ដោយមួយគ្រាប់ទំហំ 8MP បម្រើការលើមុខងារ Hybrid Zoom ដល់កម្រិត 3x Optical Zoom និង 5x Magnification ហើយគ្រាប់ទី ៣ ជា Sensor ប្រភេទ Monochrome ចាប់យកសាច់ព្រាលខាងក្រោយនិងធ្វើឲ្យប្រសើរនូវទីតាំងងងឹត។

ចំពោះតម្លៃនៅអឺរ៉ុបម៉ូឌែល Huawei P20 ទំហំ RAM 4GB/128GB ROM ថ្លៃ ៨០៥ ដុល្លារ ចំណែកឯ P20 Pro ទំហំ RAM 6GB/128GB ROM ថ្លៃ ១ ១១៥ ដុល្លារ ។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា

អត្ថបទពេញនិយម

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Salah កំពុងតែវិលទៅរកកំណត់ត្រាឆ្នាំ២០២២ ដែលខ្លួនធ្លាប់ធ្វើបានជាមួយ Liverpool

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

យប់មួយនៅ ហុងកុង ៖ មកស្គាល់ Bar ល្បីៗ ទាំង ៥ ផ្តល់នូវបរិយាកាស ពេលរាត្រីដែលមិនអាចបំភ្លេចបាន

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

អត្ថបទថ្មី

សូម្បីតែយក្ស ក៏ញាក់ទទ្រើតតាមក្បាច់រាំក្នុង MVថ្មី “កុលាបមានបន្លា” របស់ ព្រាប សុវត្ថិ ដែរ!

Honda និង Nissan ត្រៀមចាប់ដៃគ្នា រួមបញ្ចូលជាក្រុមហ៊ុនតែមួយ ដើម្បីប្រជែងទីផ្សារជាមួយ រថយន្តចិន

រឿងភាគបុរាណចិនទាំង ១០នេះហើយ ជាថ្នាំផ្សំជួយឲ្យអតីតកាលស្រស់បំព្រងខ្លាំង

នាយករដ្ឋមន្រ្តីកម្ពុជា ជម្រុញបង្កើត Data Centre ដើម្បីរក្សាទុកស្នាដៃស្រាវជ្រាវ របស់ សិស្សនិស្សិត

តំណាងអគ្គនាយកដ្ឋានកីឡា៖ កីឡាករ កីឡាការិនីវូស៊ូទាំងអស់ទោះបញ្ចប់ការប្រកួតថ្នាក់ជាតិហើយក្ដី ត្រូវបន្តខំប្រឹងហ្វឹកហាត់ត្រៀមស៊ីហ្គេមនៅថៃទៀត