LD ប្រកាសរកដៃគូសហការ ដោយគ្រោងផលិតរឿងស្តង់ដារនាំចូលទីផ្សារអន្តរជាតិចុងឆ្នាំ ២០១៤!

2014-09-20 16:55:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម LD Picture ប្រកាសរកដៃគូសហការ ខណៈដែលខ្លួនត្រៀមផលិតខ្សែភាពយន្តកម្រិតស្តង់ដារនាំចូលទីផ្សារអន្តរជាតិនាចុងឆ្នាំ២០១៤ នេះ។

ផលិតករ និង ជាចាងហ្វាងផលិតកម្ម LD Picture លោក លៀក លីដា និយាយថា៖ "បើមានអ្នកចង់ចូលហ៊ុន ខ្ញុំស្វាគមន៍គ្រប់ពេល ហើយបើអត់ក៏ខ្ញុំធ្វើដែរ ព្រោះចុងឆ្នាំ ២០១៤ LD ត្រូវតែមានរឿងកម្រិតស្តង់ដារនាំចូលទីផ្សារអន្តរជាតិ"។

អានអត្ថបទ៖ កុំហួសចិត្តអី ៧០ លានដុល្លារថតរឿង “មហាអាណាចក្រខ្មែរ” បាត់ស្រមោលពីកម្ពុជាហើយ!

លោក សៀក លីដា ផលិតករ និងជាចាងហ្វាងផលិតកម្ម LD Picture

ការលើកឡើងដូច្នេះ របស់ផលិតករវ័យក្មេងខាងខាងលើត្រូវលោកអះអាងថា ដោយសារតែគម្រោងផលិតខ្សែភាពយន្តនាចុងឆ្នាំនេះចំណាយលុយអស់ច្រើនម៉ឺនដុល្លារពេក។ ដូច្នេះហើយលោកមិនចង់ធ្វើតែ ដោយត្រូវរកដៃគូសហការ។

អានអត្ថបទ៖ អានហើយពិតជាគួរឱ្យចង់សើច! ឈ្មោះដើម និង ឈ្មោះក្នុងសិល្បៈតារាល្បីៗ

យ៉ាងណាក៏ដោយលោក លៀក លីដា មិនបង្ហើបឱ្យដឹងពីខ្ទង់ចំណាយសម្រាប់ខ្សែភាពយន្តលោកត្រៀមផលិតនាំចូលទីផ្សារអន្តរជាតិឡើយ។ លោកអះអាងថា ផលិតកម្ម LD Picture មិនអួតរឿងចំណាយដូចគេទេ សំខាន់គុណភាពសាច់រឿងធ្វើឱ្យទាក់ទាញដល់អ្នកទស្សនា។

អានអត្ថបទ៖ វីដេអូសិច តារាខ្មែរល្បីឈ្មោះ ៥ ដួង ធ្លាប់ល្បីថាធ្លាយ!

ផលិតករវ័យក្មេងរូបនេះបន្តថា សាច់រឿងទាំងមូលលោកបានប្រិតប្រៀង សម្រិតសម្រាំងមួយឆ្នាំមកហើយ មុននឹងគ្រោងផលិតនាចុងឆ្នាំ២០១៤។ ឈ្មោះខ្សែភាពយន្ត និងតួសម្ដែងមិនត្រូវបានលោកបង្ហើបឱ្យដឹងទេ ប៉ុន្តែលោកបានបង្ហើបឱ្យដឹងពីប្រភេទនៃសាច់រឿងគឺទាក់ទងទៅនឹង មន្តអាគម កូនក្រក មនុស្សមានវិញ្ញាណទី៦ និងជំនឿ។

យ៉ាងណាក៏ដោយផលិតករ និងជាចាងហ្វាងផលិតកម្មវ័យក្មេងខាងលើ ប្រាប់ថាខ្សែភាពយន្តរបស់លោក មិនដូចខ្សែភាពយន្ត "ស្បែកគង់" ដែលកំពុងតែទទួលការចាប់អារម្មណ៍ពីទស្សនិកជន ហើយត្រៀមនឹងយកចូលទីផ្សារអន្តរជាតិខាងមុខទេ។ មិនដូចដោយលោកសម្អាងទៅលើឈុតឆាក និងសាច់រឿងគឺខុសគ្នាដាច់។

អានអត្ថបទ៖ មើលមុខមានតារាសំណព្វចិត្តអ្នកអត់ ល្បីខាងប្ដូរផលិតកម្មច្រៀង?

បើមិនមានអ្វីប្រែប្រួលទេលោក លៀក លីដា ប្រាប់ថាខ្សែភាពយន្តដំបូងរបស់ LD Picture ត្រៀមនឹងយកចូលទីផ្សារអន្តរជាតិនឹងផលិតចាប់រួចរាល់នៅចុងឆ្នាំ២០១៥។ លោកបានរំពឹងពីការទទួលបានសំឡេងគាំទ្រពីទស្សនិកជននៅពេលខ្សែភាពយន្តដាក់បញ្ចាំងលើទីផ្សារ។

ជាលើកទីមួយហើយសម្រាប់ផលិតកម្ម LD Picture ដែលដំណើរការជិត៤ឆ្នាំមកនេះអាចផលិតខ្សែភាពយន្តនាំចូលទីផ្សារអន្តរជាតិជាលើកដំបូង។ ចំពោះខ្សែភាពយន្តខ្នាតអន្តជាតិនេះលោក លៀក លីដា និយាយថា៖"រឿងដែលខ្ញុំគ្រោងផលិតនាំចូលទីផ្សារអន្តរជាតិនេះ មនុស្សណាក៏អាចមើលបានដែរ មិនថាក្មេងចាស់ ខ្មែរ ឬក៏បរទេសឡើយ"៕

អត្ថបទ៖ អ៊ីង សុឡា