បឺត សង្ឃឹម សមត្ថភាពមិនធម្មតា ក្រោយបានដំបូន្មានពិសេសពី បឺត ខាំ

2018-03-28 06:37:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងវ័យក្មេង បឺត សង្ឃឹម កំពុងបង្ហាញសមត្ថភាពគួរឲ្យចាប់អារម្មណ៍ខ្លាំងនាការប្រកួតពានរង្វាន់ TV5 បន្ទាប់ពីផ្ដួលដៃគូសន្លប់ផ្តួនៗពីមួយវគ្គទៅមួយវគ្គ ឥលូវឡើងដល់ជុំទី៣ កាលពីថ្ងៃសៅរ៍ កន្លងទៅនេះ។

បឺត សង្ឃឹម(ខៀវ)

បឺត សង្ឃឹម បានឲ្យដឹងថា សម្រាប់ការប្រកួតពានរង្វាន់នេះ គឺខំប្រឹងហ្វឹកហាត់ខ្លាំង រួមផ្សំនិងការបង្វឹកផ្ទាល់ពីពូរបស់គេ បឺត ខាំ និង បឺត សំរេច ទើបសមត្ថភាពពេញ ហើយប្រកួតបានល្អ អាចឡើងដល់វគ្គទី៣នេះ។

បឺត សង្ឃឹម(ខៀវ)

អ្នកលេងគុនខ្មែររូបនេះបន្ថែមថា ចំពោះបច្ចេកទេស តិចនិកដែលហ្វឹកហាត់គឺផ្ដោតគ្រប់ស្នៀតទាំងអស់ មិនថាជង្គង់កែង ឬទាត់នោះឡើយ និងព្យាយាមប្រើវាគ្រប់កាលៈទេសៈឲ្យតែអាចបញ្ចេញបាន។ «ឱកាសវ៉ៃពានរង្វាន់ ឬខ្សែក្រវាត់មិនមានច្រើនទេ ដូច្នេះត្រូវតែខំប្រឹង និងសម្លឹងមើលទៅមុខ សម្លឹងមើលពានដែលខ្លួនត្រូវប្រកួតដណ្ដើមជានិច្ច ហើយប្ដេជ្ញាឲ្យបានទោះគេខ្លាំងក៏ដោយ»សម្ដី បឺត ខាំ ប្រាប់ក្មួយរបស់គេ។

កីឡាករ បឺត សង្ឃឹម ឈ្នះថ្ងៃសៅរ៍

បឺត សង្ឃឹម មកពីក្លឹបប្រដាល់រហ៉ាប់ស្វាយប៉ាក ជាកូនសិស្សរបស់អតីតជើងខ្លាំង បឺត ខាំ ប្រកួតចុងក្រោយរបស់គេយកឈ្នះកីឡាករ ផួង ពិសិដ្ឋ កាលពីថ្ងៃសៅរ៍ ទី២៤ ខែមីនា ឆ្នាំ ២០១៨ ឡើងទៅជុំទី៣(៨នាក់)ចុងក្រោយនៃពានរង្វាន់ TV5៕

ព័ត៌មានជាតិ
ព័ត៌មានកីឡាអន្តរជាតិ
ព័ត៌មានអំពីប្រដាល់
Sabay កំពុងជ្រើសរើសបុគ្គលផ្នែក Corporate Sales Executives ៥នាក់ ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW