ចំណីភ្នែកបុរសៗដែលមាន Fan ២៥ លាននាក់ ប្រកាសដកខ្លួនចេញពី Facebook

2018-03-28 08:22:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនាវដ្ដី Playboy ដែលតែងតែបង្ហាញរូបភាពដុតអារម្មណ៍បុរសៗជាញឹកញយតាមរយៈទំព័រ Facebook ជាច្រើនរបស់ខ្លួននោះ បានប្រកាសពីការដកខ្លួនចេញពីបណ្ដាញសង្គមយក្សនេះហើយ។

Playboy គឺជាក្រុមហ៊ុនចុងក្រោយមួយដែលចូលរួមចលនា #DeleteFacebook ក្រោយពីរឿងអាស្រូវ Facebook បានលេចធ្លាយ និងក្រោយពីលោក Elon Musk បានលុបទំព័រធំៗពីររបស់ក្រុមហ៊ុនខ្លួនចេញពី Facebook។

តាមរយៈសេចក្ដីប្រកាស Playboy បានលើកឡើងថា ៖ "ដំណឹងអំពីការរៀបចំទុកដាក់ព័ត៌មានសម្ងាត់ផ្ទាល់ខ្លួនរបស់អ្នកប្រើប្រាស់ Facebook កាលពីថ្មីៗនេះ បានជំរុញឲ្យយើងសម្រេចចិត្តផ្អាកសកម្មភាពរបស់ពួកយើងលើបណ្ដាញសង្គមនេះ។ មានអ្នកគាំទ្រជាង ២៥ លាននាក់ ដែលមានទំនាក់ទំនងជាមួយ Playboy តាមរយៈ Page ជាច្រើនរបស់ពួកយើង ហើយយើងមិនចង់ចូលដៃចូលជើងក្នុងការធ្វើឲ្យទិន្នន័យរបស់ពួកគេបែកធ្លាយ ដូចដែលគេចុះផ្សាយនោះទេ”។

គួរដឹងដែរថា Play, SpaceX និង Tesla នៅតែមានសកម្មភាពបន្តបន្ទាប់នៅលើ Instagram ជាបណ្ដាញទំនាក់ទំនងមួយដែលគ្រប់គ្រងដោយ Facebook៕

-->Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ The Verge ប្រែសម្រួល៖ សុខហេង