បុរសគថ្លង់ត្រូវម្ដាយដាក់ច្រវាក់អស់ ១២ ឆ្នាំ ក្រោមហេតុផលគួរឲ្យអាសូរ

2018-03-29 02:30:14
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតគួរឲ្យរំជួលចិត្តមួយ បានបង្ហាញពីបុរសគថ្លង់ក្នុងប្រទេស ចិនម្នាក់ត្រូវបានម្ដាយដាក់ច្រវាក់ និងឃុំឃាំងនៅក្នុងផ្ទះថ្មអស់រយៈពេល ១២ឆ្នាំ។

លោក Wang Zhiqiang អាយុ ៤១ ឆ្នាំ ដែលកើតមកមិនអាចស្ដាប់ឮ និងមិនអាចនិយាយបាន បានកើតជំងឺផ្លូវចិត្តកាលពីក្មេង។ ហេតុដូចនេះហើយ ម្ដាយរបស់លោកគឺអ្នកស្រី Yue Rong អាយុ ៧៧ ឆ្នាំ បានទទួលស្គាល់ថាខ្លួនពិតជាបានដាក់ច្រវាក់កូនប្រុសអស់រយៈពេល ១២ឆ្នាំមែន ក្រោមហេតុផលថា ដើម្បីកុំឲ្យគេទៅវាយធ្វើបាបអ្នកដទៃ។

អ្នកស្រី Yeu បន្តទៀតថា ស្ថានភាពរបស់កូនប្រុសកាន់តែធ្ងន់ធ្ងរឡើងៗ ហើយគេក៏ចាប់ផ្ដើមដើរវៃអ្នកជិតខាងនៅក្នុងភូមិ Denfeng ខេត្ត Henan។ អ្វីដែលគួរឲ្យអាសូររូបគេជាងនេះទៀតគឺ គ្រួសារមិនបានយកគេទៅព្យាបាលនោះទេ ដោយសារតែគ្រួសារមានជីវភាពខ្វះខាតជាខ្លាំង។

ទោះយ៉ាងណាក៏ដោយ អាជ្ញាធរក្នុងតំបន់ក៏បានជួយឧបត្ថម្ភគ្រួសារនេះជារៀងរាល់ខែផងដែរ ប៉ុន្តែពួកគេស្នើសុំឲ្យមានការចូលរួមជួយពីមហាជនផ្សេងទៀតដើម្បីឲ្យលោក Wang មានលទ្ធភាពព្យាបាលជំងឺនេះ៕