មេ OnePlus បង្ហាញរូបផ្លូវការ OnePlus 6 និងប្រាប់ឲ្យរៀនស្រឡាញ់ក្បាលឆក

2018-03-29 02:18:37
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មាន The Verge ទទួលបានរូបភាពផ្ដាច់មុខមួយ ដែលអះអាងថាជារូបភាពផ្លូវការដំបូងគេរបស់ OnePlus 6។

រូបភាពបង្ហាញថា OnePlus 6 នឹងមានរចនាបថអេក្រង់ឆកមួយដុំដូចជាស្មាតហ្វូន Android ដទៃទៀត ដែលដើរតាម iPhone X និង Essential Phone។ ក្នុងជំនួបជាមួយ The Verge លោក Carl Pei សហស្ថាបនិក OnePlus បាននិយាយថា ៖ "យើងយល់ថាមិនចាំបាច់មានប្រព័ន្ធបាញ់ពន្លឺលើស្មាតហ្វូននោះទេ (ប្រហែលជាចង់និយាយអំពី FaceID)។ ស្នាមឆករបស់យើងនឹងមាន ហើយវានឹងធំជាង Essential Phone ប៉ុន្តែតូចជាង iPhone X"។

លោក Carl Pei ក៏បានទទួលស្គាល់ថា OnePlus 6 នឹងមានមុខងារថ្មីដែលខ្ចីពី Apple ដោយបាននិយាយថា ៖ "យើងឃើញការបង្កើត នៃការបញ្ជាតាមកាយវិការលើ iPhone ហើយយើងប្រហែលជាត្រូវចំណាយពេលយូរ (ដើម្បីបង្កើតវា) ប្រសិនបើ Apple មិនបានធ្វើវាទេនោះ”។

សហស្ថាបនិករូបនេះបន្ថែមថា OnePlus 6 នឹងមានផ្ទៃអេក្រង់ ៩០% គ្របដណ្ដប់នៅផ្នែកខាងមុខ និងមានតួខ្លួនទំហំប៉ុនគ្នានឹង OnePlus ស៊េរីមុនៗ ហើយ OnePlus 6 ទំនងជានឹងបង្ហាញខ្លួនលឿនជាងពេលមុនៗ ដែលរាល់ដងប្រកាសចេញនៅខែមិថុនា។

ជាចុងក្រោយលោក Carl Pei បានដាក់មួយម៉ាត់ថា ៖ "វាជាការសម្រេចចិត្តច្បាស់លាស់មួយ : ផ្ដល់ផ្ទៃអេក្រង់បន្ថែមទៀតដល់អ្នកប្រើប្រាស់។ ចុងបញ្ចប់ រៀនស្រឡាញ់ស្នាមឆកទៅ”៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ The Verge ប្រែសម្រួល៖ សុខហេង