កាមេរ៉ា Mi MIX 2S តាមស្មើ iPhone X តែនៅចាញ់ជើងខ្លាំងពីរម៉ូឌែលទៀត

2018-03-27 12:44:55
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចក្រុមហ៊ុនផលិតស្មាតហ្វូនប្រទេសចិន Xiaomi ទើបតែប្រកាសបង្ហាញនូវស្មាតហ្វូនជំនាន់ក្រោយ Mi Mix 2S ដែលមានតម្លៃចាប់ពី ៥០០ ដុល្លារឡើងទៅ។ ជាស្មាតហ្វូនសេរ៊ីឆ្នាំ ២០១៨ ប្រើកាមេរ៉ាភ្លោះពីរគ្រាប់ទំហំ ១២+១២ MP មាន Sensor ប្រភេទ SONY IMX363 អមបច្ចេកវិទ្យាពិសេសច្រើនទៀត ប្រហាក់ប្រហែលនឹង iPhone X។

បង្ហាញចេញនូវពិន្ទុវាយតម្លៃពី DxOMark ម៉ូឌែល Mi MIX 2S មានពិន្ទុសរុបដល់ទៅ ៩៧ ឈរនៅលេខ ៥ ជាស្មាតហ្វូនមានកាមេរ៉ាល្អបំផុត ដោយពិន្ទុនេះសោត បែកចេញពីប្រភេទពិន្ទុនៃការថតរូបសន្លឹកធម្មតាបានដល់ ១០១ ស្មើនឹង iPhone X តែអន់ត្រង់ការថតវីដេអូបានត្រឹម ៨៨។

ចំណុចខ្សោយមិនថាការថតសន្លឹក និងវីដេអូ គុណភាពក្នុងរូបមើលទៅមានគ្រាប់ Noise ច្រើន ចំណែកឯកម្រិត Texture បាន ៤៥ ខុសពីស្មាតហ្វូនឯទៀតសុទ្ធតែលើ ៥០ ទាំងអស់។

ជារួមបើធៀបទៅនឹងកំពូលជើងខ្លាំងលេខ ១ ម៉ូឌែល Galaxy S9 Plus និងលេខ ២ ម៉ូឌែល Pixel 2 នៃក្រុមហ៊ុន Google លើការថតរូបសន្លឹកធម្មតាអាចថាស្អាតប្រហែលគ្នា ប៉ុន្តែទាក់ទងនឹងការថតវីដេអូទំនងជាមានចំណុចត្រូវកែប្រែ និងពង្រឹងបន្ថែមក្នុងត្រកូលស្មាតហ្វូនចិនមួយនេះ។