យុគ យក្សផ្លែ៖ កីឡាករក្មេងៗឥលូវល្អសុហ្វ ល្អបុក

2018-03-30 03:41:06
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរចាស់វស្សា យុគ យក្សផ្លែ ថា កីឡាករក្មេងៗឥលូវល្អៗណាស់ ជាពិសេសនោះគឺសុហ្វ និងល្អបុកទៀត ដូច្នេះបើចង់វ៉ៃឈ្នះពួកគេទាល់តែរកតិចនិកថ្មី ហើយនិងខំប្រឹងហាត់ទើបអាចទៅរួច។

កីឡាករ យុគ យក្សផ្លែ(ក្រហម)

យុគ យក្សផ្លែ បានឲ្យដឹងថា បើមើលការប្រកួតនានារបស់កីឡាករក្មេងៗឥលូវល្អមែនទែន មិនថាស្នៀតប្រយុទ្ធ កម្លាំងនោះទេ ពោលល្អស្ទើរដូចៗគ្នា ជាហេតុធ្វើឲ្យអ្នកប្រដាល់ចាស់នានាពិបាកនិងប្រកួតជាផងដែរ។ ជុំទី៣នៃពានរង្វាន់ TV5 នៅពេលខាងមុខ អ្នកប្រដាល់ខាងលើ នឹងត្រូវប៉ះជាមួយសិស្សប្អូន បឺត សង្ឃឹម ដូច្នេះមានតែខំប្រឹងហ្វឹកហាត់ទេ និងចូលវ៉ៃខាងក្នុងឲ្យបានច្រើន ហើយព្យាយាមវ៉ៃកៀក ព្រោះដៃគូល្អកែងខ្លាំង។

កីឡាករ យុគ យក្សផ្លែ ពេលឈ្នះ នឹម នន

យុគ យក្សផ្លែ ជាអ្នកប្រដាល់ចាស់វស្សាមកហើយ ដែលមានប្រវត្តិឡើងសង្វៀន និងប៉ះជើងខ្លាំងជាច្រើន។ កាលពីសប្ដាហ៍មុននេះអ្នកលេងគុនខ្មែររូបនេះ បានឡើងទៅជុំទី៣ បន្ទាប់ពីឈ្នះ នឹម នន ជុំទី២ នៃពានរង្វាន់ TV5 ហើយនឹងត្រូវប៉ះ បឺត សង្ឃឹម បន្តទៀត ៕

ព័ត៌មានជាតិ
ព័ត៌មានកីឡាអន្តរជាតិ
ព័ត៌មានអំពីប្រដាល់
Sabay កំពុងជ្រើសរើសបុគ្គលផ្នែក Corporate Sales Executives ៥នាក់ ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW