មកមើលកាមេរ៉ា Compact មាន Lens ១៦ គ្រាប់អាចស៊ីដាច់ DSLR មួយមើល! (មានវីដេអូ)

2018-03-30 04:05:26
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកធ្លាប់ប្រើកាមេរ៉ាប្រភេទអាជីព DSLR តែងតែដឹងពីគុណភាពដ៏ល្អរបស់រូបភាពដែលផលិតដោយកាមេរ៉ានោះហើយ។ ប៉ុន្តែ បញ្ហាប្រឈមដែលតែងតែជួបប្រទះនោះ គឺតម្រូវឲ្យអ្នកកាន់ Lens ច្រើនប្រភេទផ្សេងគ្នា ដើម្បីចាប់យករូបភាពតាមទីកន្លែងនានា ដោយវាមានទម្ងន់ធ្ងន់ហើយក៏ស៊ីពេលក្នុងការប្ដូរ Lens ចុះឡើងដែរ។

ជាដំណោះស្រាយសម្រាប់បញ្ហានេះ ក្រុមហ៊ុន Light បានបញ្ចេញកាមេរ៉ាប្រភេទ Compact ដែលមានសមត្ថភាពខ្លាំងជាង DSLR មួយចំនួនទៅទៀត ដែលមាន Lens ដល់ទៅ ១៦គ្រាប់ ឯណោះ។

កាមេរ៉ានេះមានឈ្មោះថា L16 ដោយមាន Lens ៥គ្រាប់ ជា Lens ២៨មម ប្រភេទ Wide angle ដែលមាន Aperture ២.០, ៥ ទៀតជា Lens ៧០មម ប្រភេទ Mid-Range ដែលមាន Aperture ២.០ ដូចគ្នា និង ៦គ្រាប់ចុងក្រោយ ជា Lens ១៥០មម ប្រភេទ Telephoto ដែលមាន Aperture ២.៤។ ពេលផ្គុំគ្នាទៅ វាអាចបង្កើតជារូបភាពដែលមានទំហំដល់ទៅ ៥២ Megapixel ឯណោះ។

វាមានអេក្រង់ Touch Screen Full HD ទំហំ ៥អ៊ីញ ដើរដោយប្រព័ន្ធ Android និងមានឈីបរបស់ Qualcomm ម៉ូដែល Snapdragon 820 ហើយមានទម្ងន់ត្រឹមតែ ៤៣៥ ក្រាមប៉ុណ្ណោះ។

កាមេរ៉ានេះមានអង្គចងចាំស្រាប់មកជាមួយដែលមានទំហំរហូតដល់ទៅ ២៥៦ GB ដែលអាចចែករំលែករូបភាពតាមរយៈប្រព័ន្ធ Bluetooth ទៅកាន់ PC, Mac និង Android Devices (iOS Device នឹងមាននៅពេលក្រោយ)។ ដោយឡែក កាមេរ៉ានេះនៅជាប្រភេទ Concept នៅឡើយដែលអ្នកអាចចុះឈ្មោះដើម្បីទទួលព័ត៌មានពីការចេញលក់តាមរយៈគេហទំព័ររបស់ Light ផ្ទាល់តែម្ដង ដែលតម្លៃរបស់វាអាចខ្ទង់ជិត ២ ០០០ ដុល្លារ។

នេះជារូបភាព ដែលផលិតដោយកាមេរ៉ា L16៖

ខាងក្រោមនេះជាវីដេអូនៃការប្រើប្រាស់កាមេរ៉ា L16 ដោយលោក Geoffrey A. Fowler អ្នករាយការណ៍របស់កាសែត Wall Street Journal៖

Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW
Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ The Wall Street Journal ប្រែសម្រួល៖ ផាត សុវត្ថិ