ក្ដៅៗ iOS 11.3 ចេញជាផ្លូវការហើយ អាចសារ៉េល្បឿន iPhone បាន

2018-03-30 02:15:57
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃនេះ Apple បានបញ្ចេញការអាប់ដេត iOS 11.3 ជាការអាប់ដេតធំបំផុតមួយសម្រាប់ iOS 11 ដែលបានចេញជាផ្លូវការកាលពីខែកញ្ញា ឆ្នាំ ២០១៧។

iOS 11.3 នេះ Apple បានបន្ថែមនូវផ្ទាំងថ្មីដែលមានឈ្មោះថា Battery Health (Beta) នៅលើគ្រប់ iPhone ចាប់ពី iPhone 5s ឡើង។ ផ្ទាំងថ្មីនេះមានបន្ថែមព័ត៌មានអំពីសមត្ថភាពផ្ទុកថ្មរបស់ iPhone និងមានបង្ហាញថាថ្មរងការខូចខាតដល់ដំណាក់កាលដែលវាត្រូវកាត់បន្ថយល្បឿន iPhone ឬអត់។

គ្រប់ iPhone ដែលប្រើ iOS 11.3 នឹងចាប់ផ្ដើមដោយមិនមានដំណើរការមុខងារគ្រប់គ្រងដំណើរការ (Performance Management) នោះទេ។ ប៉ុន្តែមុខងារនេះនឹងដំណើរការដោយស្វ័យប្រវត្តិនៅពេលដែល iPhone ជួបបញ្ហារលត់ដោយខ្លួនឯង។ យ៉ាងណាក្ដីអ្នកប្រើប្រាស់អាចបិទមុខងារនេះបាន ដោយចូលទៅកាន់ Settings → Battery → Battery Health រួចចុចលើ Disable។

នៅលើ iOS 11.3 នេះក៏មានបន្ថែមចំណុចថ្មីៗដទៃទៀតដូចជាមានថែម Avatar ចំនួន ៤ ជាមួយមុខងារ Animoji, ផ្ទាំងបង្ហាញព័ត៌មានពីការប្រើប្រាស់ទិន្នន័យសម្ងាត់, នៅលើ Apple Music មានថែមទីតាំងសម្រាប់ទស្សនាវីដេអូចម្រៀង និងការផ្លាស់ប្ដូរជាច្រើនទៀត។

គួរដឹងថា iOS 11.3 នេះបានចាប់ផ្ដើមបញ្ចេញទៅដល់អ្នកប្រើប្រាស់ជុំវិញពិភពលោក ហើយសម្រាប់អ្នកប្រើប្រាស់នៅប្រទេសកម្ពុជាក៏ទទួលបានការអាប់ដេតនេះបណ្ដើរៗដែរ៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ macrumors ប្រែសម្រួល៖ សុខហេង