Apple នឹងចេញ iOS 11.3 បញ្ចប់រឿងឈឺក្បាលលួងចិត្តអ្នកគាំទ្រឡើងវិញ

2018-02-11 02:23:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple មិនរង់ចាំដល់កំណែទម្រង់ iOS 12 ក្នុងការនាំមកនូវមុខងារសំខាន់ៗសម្រាប់ iPhone ឬ iPadនោះឡើយ។ ដោយខ្លួននឹងចេញ iOS 11.3 នៅពាក់កណ្តាលឆ្នាំនេះ ជាមួយនឹងមុខងារសំខាន់ៗជាច្រើន ខណៈមួយចំនួនមិនទាន់បានប្រកាសនៅឡើយទេ។

អាចគ្រប់គ្រងល្បឿន និងថ្ម

ដោយមានការរិះគន់ច្រើនពីបញ្ហាលើ iPhone ចាស់ៗ ក្នុងខែធ្នូ ក្រុមហ៊ុនបានសន្យាផ្តល់កំណែទម្រង់ថ្មី ដើម្បីជួយដោះស្រាយបញ្ហានេះ។

iOS 11.3 អ្នកអាចចូលមើលព័ត៌មានថ្ម (Battery health) ក្នុងកម្មវិធី Settings។ អ្នកក៏អាចបិទមុខងារ Power management ដែលទំនងជាចំនុចធ្វើឲ្យ iPhone ដំណើរការយឺតផងដែរ។

គួរដឹងផងដែរថា ការបិទមុខងារ Power management លើ iPhone ចាស់ៗ (មានបញ្ហាថ្ម) ប្រហែលជាអាចធ្វើឲ្យ Device រលត់ ពេលថាមពលថ្មមិនគ្រប់គ្រាន់សម្រាប់គាំទ្រដល់ដំណើរការប្រព័ន្ធ។ នេះក៏ជាហេតុផល Apple ប្រើមុខងារនេះពីដំបូងផងដែរ។

ជម្រើសថ្មីសម្រាប់ iPhone X

មុខងារ Face ID លើ iPhone X មានភាពងាយស្រួលក្នុងការប្រើប្រាស់ តែពេលអ្នកចង់ទិញកម្មវិធីសម្រាប់សមាជិកគ្រួសារ (Family purchases) អ្នកនៅតែត្រូវការប្រើលេខសំងាត់។

iOS 11.3 អ្នកអាចប្រើត្រឹម Face ID ដើម្បីអនុវត្តសកម្មភាពបែបនេះ (Family purchases) បាន។

ទិន្នន័យវេជ្ជសាស្ត្រ

កាន់តែងាយស្រួល ដោយអ្នកអាចចូលមើលទិន្នន័យទាក់ទងនឹងសុខភាពអ្នកបានភ្លាមៗតាមកម្មវិធី Health។

iOS 11.3 អាចអនុញ្ញាតឲ្យ Medical Providers (ផ្នែកវេជ្ជសាស្ត្រ) បញ្ជូនទិន្នន័យវេជ្ជសាស្ត្រមកកាន់ iPhone ដោយផ្ទាល់ ដោយមានចំនួនកំណត់លើ Medical Providers។

កាន់តែប្រសើរចំពោះមុខងារ Augmented Reality (AR)

iOS 11.3 អាចឲ្យអ្នកមានទំនាក់ទំនងលើធាតុ និងរូបភាព ឧទាហរណ៍ បើអ្នកថតរូបសៀវភៅ អ្នកនឹងឃើញពីព័ត៌មានលំអិតពីគុណភាព និងតម្លៃ ពី Amazon។

ជំរុញការអានតាមវិធីថ្មី

បើអ្នកចូលប្រើ iPhone ឬ iPad ដើម្បីអានសៀវភៅ អ្នកប្រហែលជាចូលចិត្តកំណែទម្រង់ថ្មីនេះ។

លើ iOS 11.3 កម្មវិធី iBooks អាចជ្រើសរើស Content បានប្រសើរជាងមុន និងមាន Tab Audiobooks ដាច់ដោយឡែកងាយស្រួលចូលមើល និងស្តាប់។ មួយវិញទៀត កម្មវិធី iBooks ទំនងជាមានការផ្លាស់ប្ដូរដោយ ប្រើត្រឹមពាក្យ Books ប៉ុណ្ណោះជាមួយកំណែទម្រង់ថ្មីនេះ៕