Alibaba ដាក់មួយរឿងក្នុងភាពយន្ត ចង់បង្ហាញពីការអភិវឌ្ឍបច្ចេកវិទ្យា AI

2018-02-10 02:33:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Alibaba កំពុងផលិតភាពយន្តនិយាយពីឥទ្ធិពលមនុស្សយន្តពេលមានសមត្ថភាពបំពេញការងារដោយខ្លួនឯង ដើម្បីពញ្ញាក់អារម្មណ៍សាធារណៈជនលើបច្ចេកវិទ្យា Artificial Intelligence (AI) នៅប្រទេសចិន និងពិភពលោក។

គំនិតផ្តួចផ្តើមមួយជ្រុងបានពី ស្ថាបនិក Alibaba លោក Jack Ma ដែលបានបង្ហាញការព្រួយបារម្ភពីចំនួនការងារបាត់បង់ ឬធ្លាក់ចុះ ជំនួសដោយការងារលក្ខណៈស្វ័យប្រវត្តិ នៅ ៣០ឆ្នាំបន្ទាប់។ តែក្រុមហ៊ុន បានពង្រីកបណ្តាលផលិតផលខ្លួនទាក់ទងនឹង AI ចូលទីផ្សារអឺរ៉ុប ក្នុងការប្រជែងនឹង Amazon, Microsoft រួមទាំង Data Center ក្នុងការផ្សងព្រេងលើពិភពលោក។

អ្នកស្រី Jenny W.Hsu ក៏បានសរសេរលើគេហទំព័រថ្មី Alizila របស់ Alibaba ថា៖ "មនុស្សយន្តបានជួយការងារមនុស្សជាច្រើន តាំងពីការដំឡើងទូរសព្ទ ជួសជុល ឬដំឡើងរថយន្ត និងការងារធ្ងន់ៗមួយចំនួនទៀត សំនួរសួរថា ចុះបើមនុស្សយន្តអាចអភិវឌ្ឍន៍សមត្ថភាពធ្វើការដោយខ្លួនឯង តើនឹងមានអ្វីកើតឡើង?"

ខ្សែភាពយន្តនេះ សហការផលិតដោយ Film Studio Alibaba Pictures ក្រុមហ៊ុននៅចិន និង STX Entertainment ក្រុមហ៊ុននៅសហរដ្ឋអាមេរិក ដែលដឹកនាំដោយលោក Robert Zemeckis ធ្លាប់ជាអ្នកដឹកនាំរឿង Back to the Future និង Forrest Gump ប៉ុន្តែមិនទាន់ដឹងកាលបរិច្ឆេទចេញនោះទេ៕