បើរកតែភ្លៀងរាល់ថ្ងៃអីចឹង សាកមើលឆត្របើកបិទខ្លួនឯងនេះមួយមើល!

2018-03-30 11:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែចេញមកក្រៅ ភ្លាមឃើញមេឃងងឹតស្លុបតែម្ដង ទើបនឹកឃើញថាក្រសួងទើបប្រកាសពី ភ្លៀង ផ្គរ លាយឡំនឹងខ្យល់កន្ត្រាក់ ស្ទើរពាសពេញផ្ទៃប្រទេសចាប់ពីថ្ងៃទី ២៩ មិនា ដល់ ១ មេសា ឆ្នាំ ២០១៨ នេះ។ ដោយហេតុថា អ្នកថ្មើរជើងមួយចំនួន ពិសេសអ្នកប្រើប្រាស់រថយន្តតែម្ដង បើចង់ដើរទៅណាជិតៗ ឬចូលក្នុងរថយន្ត តែងតែត្រូវការប្រើឆត្រ ជាចាំបាច់។

តែបើនិយាយពីអ្នកប្រើរថយន្តវិញ ទើបយ៉ាប់ជាងគេព្រោះត្រូវបិទឆត្រវិញទើបអាចបិទទា្វររថយន្តបាន ជាហេតុធ្វើឲ្យពេលខ្លះត្រូវទទឹកខ្លួន ដូចដើរហាលភ្លៀងអញ្ចឹង។ និយាយដល់បញ្ហានេះ Sabay សូមណែនាំឆត្រមួយដែលប្រើម៉ូទ័រអាចបិទបើកដោយខ្លួនឯងទាំងស្រុងតែម្ដង របស់ក្រុមហ៊ុន ShedRain។

វាមានឈ្មោះថា e-Motion ។ ឆត្រនេះប្រើពេលបើកតែ ២ វិនាទីប៉ុណ្ណោះអាចការពារអ្នកពីការទទឹកបានភ្លាមៗ។ ដងវាជាប្រភេទ Electrostatic Black Steel ដែលជាដែកអាចផ្ទុកអគ្គិសនីមិនឲ្យឆ្លងនាំឲ្យខាតថាមពលថ្ម (Electrostatic Discharge) និងមានសាច់ក្រណាត់ឆត្រ (Canopy) ជាប្រភេទសាច់កៅស៊ូ ពាសដោយសារធាតុចេញពី TeFlon Technology ដែលការពារពីស្នាមប្រឡាក់សឹងគ្រប់ទាំងអស់។

ម្យ៉ាងទៀតឆត្រនេះនៅតែអាចបើកបានដោយដៃដដែល អញ្ចឹងអ្នកមិនបាច់បារម្ភពេលអ្នកភ្លេចសាកថ្មនោះឡើយ។ ប៉ុន្តែ អ្នកមិនចាំបាច់បារម្ភពីការអស់ថ្មឡើយ ព្រោះថាមពលថ្មពេលសាកពេញមួយលើក អាចបិទបើកបានដល់ទៅ ១៥០ ដងឯណោះ។

ឆត្រនេះពិតជាមានប្រយោជន៍ច្រើនដល់អ្នកដើរ ដែលមានសម្ភារៈក្នុងដៃហើយត្រូវការបើកឆត្រ និងអ្នកប្រើប្រាស់រថយន្តដែលមិនត្រូវឲ្យចំហទ្វារ រហូតលូកដៃបិទឆត្ររួចរាល់នោះទេ។ ឆត្រនេះមានលក់ផ្ទាល់នៅលើគេហទំព័ររបស់ ShedRain តែម្ដង ដោយមានតម្លៃ ៩៩ ដុល្លារ។

នេះជាវីដេអូបង្ហាញពីការប្រើប្រាស់ឆត្រស្វ័យប្រវត្តិនេះពីគេហទំព័រ YouTube៖

Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW
Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ YouTube ប្រែសម្រួល៖ ផាត សុវត្ថិ