Top Scorers ​នៅ​លីគ​កំពូល​ទាំង​៥​នៅ​អឺរ៉ុប ​មាន​តែ​ខ្សែ​ប្រយុទ្ធ Mohamed Salah ​មួយ​ទេ ​ដែល​កំពុង​ដាច់​ពិន្ទុ​គេ ដោយ​លើស​ទាំង​ Lionel Messi ​និង Cristiano Ronaldo ​ថែម​ទៀត។ ដូច្នេះ​ហើយ ​តើ Salah ​អាច​យក​ស្បែក​ជើង​មាស​នៅ​តំបន់​អឺរ៉ុប​ពី ​កំពូល​កីឡាករ​ទាំង​ពីរ​នាក់​នេះ​បាន​ទេ ​ពេល​ចប់​រដូវ​កាល​នេះ។

ខ្សែ​ប្រយុទ្ធ​របស់ Liverpool ​មាន​២៨​គ្រាប់ ​ក្នុង​ការ​បង្ហាញ​ខ្លួន​៣០​ប្រកួត​ក្នុង​លីគ​កំពូល​អង់គ្លេស ​ស្រប​ពេល Messi ​វិញ ​ទើប​បាន​២៥​គ្រាប់​ និង Ronaldo ​រក​បាន​២២​គ្រាប់​ប៉ុណ្ណោះ។ ស្រប​ពេល​ដែល​ការ​គិត​ពិន្ទុ​សម្រាប់ ​Europe’s Golden Shoe ​វិញ គឺ​គេ​គិត​ទៅ​លើ​លីគ​កំពូល​ទាំង​៥​នៅ​អឺរ៉ុប ​១​គ្រាប់​មាន​២​ពិន្ទុ ​ស្រប​ពេល​ដែល​លីគ​ចាប់​ពី​ចំណាត់​ថ្នាក់​លេខ​៦​ដល់​២១ ​អ្នក​រក​បាន​១​គ្រាប់ ​មាន​ពិន្ទុ​តែ១,៥​ប៉ុណ្ណោះ។ ​នេះ​មាន​ន័យ​ថា Salah ​កំពុង​នាំ​មុខ​គេ Messi ​ដល់​៦​ពិន្ទុ​ហើយ​គិត​ត្រឹម​បច្ចុប្បន្ន​នេះ។

សូម​ប្រិយមិត្ត​រង់ចាំ​ទស្សនា​ទាំង​អស់​គ្នា ​ថា​តើ​វីរបុរស​របស់​ប្រទេស​អេហ្ស៊ីប ​អាច​ក្លាយ​ជា​កីឡាករ​ដំបូង​យក​បាន​ស្បែក​ជើង​មាស​នៅ​អឺរ៉ុប​នេះ​បាន​ឬ​អត់ ព្រោះ​ថា​តាំង​ពី​រដូវ​កាល​២០០៧/២០០៨ ​កីឡាករ​អង់គ្លេស​មិន​ដែល​បាន​ឡើយ។ ដោយ​មាន​តែ​២​នាក់ Messi ​និង Ronaldo ​ប៉ុណ្ណោះ​ដែល​យក​បាន​ស្បែក​ជើង​នេះ៕

ប្រភព៖ foxsports   ប្រែ​សម្រួល៖ មុន្នីរម្យ