ទឹកភ្នែកហើយ! Bitcoin ធ្លាក់ថ្លៃអស់ជិតពាក់កណ្ដាល

2018-03-31 03:55:01
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងត្រីមាសដំបូងឆ្នាំ ២០១៨ នេះ គិតចាប់ពីថ្ងៃទី ១ ខែមករា ដល់ថ្ងៃទី ៣០ ខែមីនា តម្លៃរបស់រូបិយប័ណ្ណអេឡិចត្រូនិក Bitcoin បានធ្លាក់ចុះអស់ប្រមាណ ៤៥% ដោយធ្លាក់ចុះពី ១៣ ៤១២ ដុល្លារក្នុងមួយឯកតា មកនៅត្រឹម ៧ ២៦៦ ដុល្លារក្នុងឯកតា។ នេះបើផ្អែកតាមវិបសាយ CoinDesk។

សរុបមកនៅត្រីមាសដំបូងនេះ តម្លៃលើទីផ្សាររបស់ Bitcoin បានថយចុះអស់ ១១៤,៩ ពាន់លានដុល្លារឯណោះ។ ការធ្លាក់ចុះតម្លៃនេះ គឺជាការធ្លាក់ចុះដ៏ច្រើនលើសលប់បំផុតក្នុងប្រវត្តិសាស្ត្ររបស់ Bitcoin។

គួរដឹងថាតម្លៃរបស់ Bitcoin បានឡើងខ្លាំងនៅអំឡុងឆ្នាំ ២០១៧ ដោយបានឡើងខ្ពស់បំផុតរហូតដល់តម្លៃខ្ទង់ ១៩ ០០០ ដុល្លារក្នុងមួយឯកតា នៅអំឡុងចុងឆ្នាំ។ ឈានចូលដល់ឆ្នាំ ២០១៨ ដោយសារការរឹតបន្តឹងលើរូបិយប័ណ្ណអេឡិចត្រូនិកនៅបណ្ដាប្រទេសធំៗជាច្រើន ធ្វើឲ្យ Bitcoin ធ្លាក់តម្លៃជាបន្តបន្ទាប់៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ CNBC ប្រែសម្រួល៖ សុខហេង