HMD គ្រោងយកទូរសព្ទ Nokia ជាង ២០ ឆ្នាំមុនមកសម្រិតសម្រាំងដាក់លក់ឆ្នាំក្រោយ

2018-04-02 11:44:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាញឹកញយក្នុងរយៈពេលប៉ុន្មានឆ្នាំចុងក្រោយក្រុមហ៊ុន HMD Global ដែលកាន់កាប់លើស្លាកយីហោ Nokia បានវិលទៅទាញយកទូរសព្ទសេរ៊ីចាស់ជាច្រើនម៉ូឌែលសោតយ៉ាងដូចជា Nokia 3310 និង 8810 វិវត្តឡើងប្រើ 4G ទើបដាក់បង្ហាញក្នុងពិព័រណ៍ MWC 2018 កន្លងទៅ។ ដោយសង្កេតឃើញការអាប់ដែតទាំងនេះ ទទួលបានការគាំទ្រក្រុមហ៊ុនហ្វាំងឡង់ក៏សម្លឹងឃើញម៉ូឌែលមួយផ្សេងទៀតឲ្យឈ្មោះ Nokia 2010 គ្រោងរចនាជាថ្មី មកក្រឡុកទីផ្សារនាឆ្នាំក្រោយ។

រូបតំណាង Nokia 2010 សេរ៊ីឆ្នាំ ១៩៩៤

ប្រភពពីសារព័ត៌មាន *Androidauthority* បានចុះផ្សាយថាទូរសព្ទសម័យថ្មី Nokia 2010 នឹងវិវត្តមកបង្ហាញខ្លួនអំឡុងឆ្នាំ ២០១៩ ដើម្បីជាគោលដៅអបអរខួប **២៥ ឆ្នាំ** នៃការបង្ហាញខ្លួនដំបូងនាឆ្នាំ ១៩៩៤។ មុខងារពិសេសៗដែលរំពឹងទុករួមមានការបើកឲ្យគាំទ្រប្រព័ន្ធ 4G LTE បន្សំនឹងប្រព័ន្ធ Smart Feature អាចប្រើប្រាស់វិទ្យុ FM និងដំណើរការបាននូវបណ្តាញសង្គម Facebook ឬ WhatsApp ជាដើម។

-->Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N