ទើបប្តូរប្រើ iPhone លើកដំបូងមែនទេ? គួរដឹងគន្លឹះប្រើប្រាស់ខ្លះៗទៅ

2018-04-03 04:07:40
ចំនួនមតិ 0 | ចំនួនចែករំលែក 0

ចន្លោះមិនឃើញ

បើអ្នកប្រើ Android យូរ ចង់ផ្លាស់ប្ដូរបទពិសោធន៍ថ្មី ដោយប្រើ iPhone ជំនួសវិញ អាចជាជម្រើសដ៏ល្អមួយក្នុងការទទួលយកចំណេះដឹងថ្មីមួយបែបទៀត។ ហើយនេះជាអ្វីអ្នកគួរដឹង។

កម្មវិធី iTunes

អ្នកត្រូវការកម្មវិធី iTunes លើកុំព្យូទ័រ ដើម្បីងាយស្រួលដោតភ្ជាប់ប្រើជាមួយ iPhone និងគ្រប់គ្រងលើតន្ត្រី ឬវីដេអូ ខណៈ Android ប្រើកម្មវិធីផ្សេង។ បច្ចុប្បន្ន iTunes ឬ iCloud ឬ Cloud Service ផ្សេងទៀត អាចគ្រប់គ្រងលើ Contents ដូចជា បញ្ជីលេខទូរសព្ទ, ប្រតិទិន និងកម្មវិធីលើទូរសព្ទបាន។

អ្នកប្រហែលជាត្រូវការទាញយកទិន្នន័យពីទូរសព្ទ ទៅកាន់ iPhone ហើយ iTunes ជាវិធីងាយស្រួលក្នុងការធ្វើ។ iTunes អាចទាញយកដោយឥតគិតថ្លៃពីវេបសាយ Apple។

Sync Content ទៅកាន់កុំព្យូទ័រ

អ្នកគួរប្រាកដថា គ្រប់យ៉ាងលើទូរសព្ទ Android ត្រូវបាន Sync ទៅកាន់កុំព្យូទ័រ មុនពេលអ្នកប្ដូរទៅកាន់ iPhone ដោយរួមមាន តន្ត្រី ប្រតិទិន បញ្ជីអាសយដ្ឋាន រូបភាព វីដេអូ និងទិន្នន័យផ្សេងទៀត។

នេះជាវិធីជួយធានាទិន្នន័យ ដោយ Back up ពីទូរសព្ទ ទៅកុំព្យូទ័រ មុនពេលអ្នកចាប់ផ្ដើមផ្លាស់ប្ដូរ។

Content អ្វីអ្នកអាចធ្វើការផ្ទេរ?

ការប្ដូរប្រើស្មាតហ្វូនថ្មី គួរធានាថារាល់ទិន្នន័យតាមទៅជាមួយស្មាតហ្វូនថ្មីនោះដែរ។ នេះជាប្រភេទទិន្នន័យអ្នកអាច និងមិនអាចផ្ទេរចេញ។

១) តន្ត្រី

បើតន្ត្រីលើទូរសព្ទជាប្រភេទ DRM-free (មិនទិញពី Online) អ្នកគ្រាន់តែបញ្ចូលតន្ត្រីទៅកាន់ iTunes ហើយអ្នកអាច Sync ទៅកាន់ iPhone បាន។

បើតន្ត្រីជាប្រភេទ DRM (បានទិញពី Online) អ្នកប្រហែលត្រូវការកម្មវិធីដើម្បីមានសិទ្ធប្រើប្រាស់។ DRM មួយចំនួនមិនអាចប្រើលើ iPhone បាននោះទេ។

Files របស់ Windows Media មិនអាចចាក់ស្ដាប់លើ iPhone ទេ ដូច្នេះគួរបញ្ចូលទៅកាន់ iTunes បម្លែងទៅ MP3 ឬ AAC ហើយធ្វើការ Sync។ Files របស់ Windows Media ប្រភេទ DRM ប្រហែលមិនអាចប្រើក្នុង iTunes បានទេ។

បើអ្នកទាញយកតន្ត្រីពីសេវាកម្មចាក់ស្ដាប់ដូចជា Spotify អ្នកគ្រាន់តែទាញយកកម្មវិធីលើ iPhone និងប្រើគណនី SignIn អ្នកនឹងអាចទាញយកស្ដាប់បានវិញ។

២) រូបភាព និងវីដេអូ

អ្នកប្រហែលជាមិនចង់បាត់បង់អនុស្សាវរីយ៍រាប់រយ រាប់ពាន់ ដោយគ្រាន់តែផ្លាស់ប្ដូរទូរសព្ទនោះឡើយ។

បើអ្នក Sync រូបភាពពីទូរសព្ទ Android ទៅកាន់កម្មវិធីគ្រប់គ្រងរូបភាពលើកុំព្យូទ័រ អ្នកគួរតែអាចទាញវាចូលទៅកាន់ iPhone។ បើអ្នកប្រើ Mac គ្រាន់តែ Sync រូបភាពទៅកាន់កម្មវិធី Photos (ឬ ចម្លងរូបភាពទៅកាន់កុំព្យូទ័រ រួចបញ្ចូលទៅក្នុងកម្មវិធី Photos)។

លើ Windows មានកម្មវិធីគ្រប់គ្រងរូបភាពជាច្រើន អ្នកអាចស្វែងរកបាន ក្នុងការ Sync ជាមួយ iPhone ឬប្រើ iTunes។

បើអ្នកទុករូបភាពលើ Online Photo Storage ឬទំព័រផ្សេងៗដូចជា Flickr ឬ Instagram រូបភាពអ្នកនៅតែស្ថិតនៅទីនោះ។ អ្នកអាច Sync រូបភាពពីគណនីទៅកាន់ទូរសព្ទ អាស្រ័យលើមុខងារផ្ដល់ឲ្យ។

៣) កម្មវិធី

កម្មវិធីលើទូរសព្ទ Android មិនអាចផ្ទេរទៅកាន់ iPhone បាននោះទេ។ អ្នកអាចស្វែងរកឈ្មោះកម្មវិធីពីក្នុង App Store សម្រាប់កម្មវិធីអ្នកចង់បាន។

បើកម្មវិធីតម្រូវឲ្យអ្នកបង្កើតគណនី ឬរក្សាទុកទិន្នន័យអ្នកក្នុង Cloud អ្នកគួរតែអាចទាញយកទិន្នន័យទៅកាន់ iPhone បានតែកម្មវិធីមួយចំនួនរក្សាទុកទិន្នន័យលើទូរសព្ទតែម្ដង។ ដូចនេះ អ្នកប្រហែលជាបាត់បង់ទិន្នន័យទាំងនោះ។

៤) បញ្ជីលេខទូរសព្ទ

អ្នកមានវិធីពីរ ក្នុងការផ្ទេរបញ្ជីអាសយដ្ឋានទៅកាន់ iPhone។ ទីមួយ អ្នក Sync ទូរសព្ទ Android ទៅកាន់កុំព្យូទ័រ ហើយប្រាកដថាបញ្ជីលេខទូរសព្ទបាន Sync ពេញលេញទៅកាន់កម្មវិធី Windows Address Book ឬ Outlook Express លើ Windows ឬកម្មវិធី Contacts លើ Mac។

ជម្រើសមួយទៀត គឺរក្សាទុកបញ្ជីអាសយដ្ឋានក្នុង Cloud ដូចជា Yahoo Address Book ឬ Google Contacts។ បើអ្នកបានប្រើសេវាទាំងនេះ ឬសម្រេចចិត្តចង់ប្រើក្នុងការផ្ទេរទៅកាន់បញ្ជីលេខទូរសព្ទ គួរប្រាកដថារាល់ Content ក្នុងបញ្ជីអាសយដ្ឋានត្រូវបាន Sync។

៥) ប្រតិទិន

ការផ្ទេររាល់ព័ត៌មានសំខាន់ៗក្នុងប្រតិទិន មានលក្ខណៈស្រដៀងនឹងវិធីបានប្រើសម្រាប់បញ្ជីលេខទូរសព្ទ។ បើអ្នកប្រើប្រតិទិន Online តាមរយៈ Google ឬ Yahoo ឬកម្មវិធីលើ Desktop ដូចជា Outlook គ្រាន់តែប្រាកដថាទិន្នន័យធ្វើកំណែទម្រង់ចុងក្រោយ។ ពេលអ្នកដំណើរការ iPhone ថ្មី អ្នកអាចភ្ជាប់គណនី ហើយ Sync ទិន្នន័យបាន។

បើអ្នកប្រើកម្មវិធីប្រតិទិនផ្សេង អ្នកអាចត្រួតពិនិត្យមើលក្នុង App Store ក្រែងមានជំនាន់ប្រើលើ iPhone។ បើមាន អ្នកប្រើគណនីដូចគ្នាកាលប្រើនៅ Android ក្នុងការប្រើទិន្នន័យ។ បើគ្មាន អ្នកប្រហែលជាត្រូវការ Export ទិន្នន័យចេញ ពីកម្មវិធី អ្នកប្រើបច្ចុប្បន្ន ហើយបញ្ចូលទៅកាន់ប្រតិទិន Google ឬ Yahoo ហើយបន្ថែមវាទៅកាន់កម្មវិធីថ្មីណាមួយអ្នកចង់ប្រើ។

៦) រឿង និងកម្មវិធីទូរទស្សន៍

បញ្ហាក្នុងការផ្ទេររឿង និងកម្មវិធីទូរទស្សន៍ ស្រដៀងនឹងការផ្ទេរតន្ត្រី។ បើវីដេអូជាប្រភេទ DRM ឬជាទម្រង់ Windows Media អ្នកមិនអាចចាក់មើលលើ iPhone បានឡើយ។

បើអ្នកបានទិញរឿងតាមរយៈកម្មវិធី គួរពិនិត្យមើលបើមានជំនាន់លើ iPhone ដូច្នេះអ្នកអាចចាក់មើលលើ iPhone បាន។

៧) សារ

សារបានរក្សាទុកលើ Android ប្រហែលជាមិនអាចផ្ទេរទៅកាន់ iPhone បានទេ លុះត្រាវាស្ថិតនៅកម្មវិធីផ្សេង ដែលរក្សាទុកក្នុង Cloud និងមានជំនាន់ប្រើលើ iPhone។ ដូចនេះ ពេលអ្នក Sign In ចូលកម្មវិធីលើ iPhone សារពីមុនៗ នឹងបង្ហាញ៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N