អស់លុយមិនតិចទេ ត្រឹម Printer សោះ ដឹកសុទ្ធតែយានអវកាស (មានវីដេអូ)

2018-04-03 04:27:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានីយអវកាសអន្តរជាតិ ឬដែលយើងហៅថា ISS របស់ NASA នឹងផ្លាស់ប្ដូរ Printer ចាស់របស់ខ្លួនដែលមានអាយុកាលជាង ១៧ឆ្នាំមកហើយនោះ ក្នុងសប្ដាហ៍នេះ។ ម៉ាស៊ីន Printer ថ្មីដែលនឹងត្រូវទៅជំនួស ជាក្រុមហ៊ុន HP ម៉ូដែល Envy ISS បានបង្ហោះចូលក្នុងបរិយាកាសហើយប៉ុន្មានម៉ោងមុននេះ ក្នុងបេសកកម្ម CRS-14 ដែលត្រូវបានបង្ហោះដោយ រ៉ុកកែត Falcon 9 របស់ក្រុមហ៊ុន SpaceX។

ស្ថានីយអវកាសអន្តរជាតិ (ISS)

ម៉ាស៊ីន Printer នេះផលិតពីសារធាតុដែលធន់នឹងកម្ដៅ មិនឆាបឆេះឡើយ។ ម៉្យាងទៀត ដោយគុណបុណ្យបច្ចេកវិទ្យា 3D Printing ធ្វើឲ្យ Printer នេះអាចធ្វើការបានគ្រប់ទីតាំងមិនថាដាក់ក្រឡាប់ចុះ ឬក៏បញ្ឈរឡើយ ព្រោះគ្រប់គ្នាដឹងហើយថាក្នុងលំហអាកាស គ្មានទំនាញដូចជាផែនដីទេ ជាហេតុធ្វើឲ្យវត្ថុផ្សេងៗ អាចអណ្ដែតឡើងយ៉ាងងាយ។ វាក៏មានមុខងារការពារ ការហូរជ្រាបទឹកថ្នាំផងដែរ ដែលអាចជួយមិនឲ្យមានការខ្ជះខ្ជាយលើការប្រើប្រាស់ទឺកថ្នាំ។

ជាមធ្យម ស្ថានីយអវកាសអន្តរជាតិ ប្រើប្រាស់ក្រដាសសម្រាប់ Print ឯកសារការងារ ឬរូបថត ដល់ទៅ ១ ០០០ សន្លឹកឯណោះប្រចាំខែ។ ដូច្នេះ បេសកកម្ម CRS-14 នេះបាននាំយករបស់ចាំបាច់សឹងគ្រប់បែបយ៉ាងសម្រាប់ពួកគេ តែអ្វីដែលចាំបាច់សម្រាប់ការងារបំផុតនោះ គឺកុំព្យូទ័រ HP Zbook Workstation ចំនួន ១២០ គ្រឿង និង HP Envy ISS Printer នេះចំនួន ២ គ្រឿងផងដែរ។