តោះ...បញ្ជាទិញភ្លាម Apple Watch Series 1 ប្រកាសបញ្ចុះតម្លៃដល់ ១០០ ដុល្លារ កម្រប្រទះ!

2018-04-03 13:52:10
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនិយមគាំទ្រផលិតផលនៃក្រុមហ៊ុន Apple ក៏ដូចជាប្រភេទនាឡិកាឆ្លាតវៃប្រាកដជាចាប់អារម្មណ៍ជុំវិញដំណឹងល្អមួយនេះ។ ដោយលើគេហទំព័រ Walmart នៅទីផ្សារអាមេរិក បានបើកការបញ្ចុះតម្លៃ Apple Watch Series 1 ដល់ទៅ ១០០ ដុល្លារ ក្នុងរយៈពេលកំណត់។

ប្រភេទខ្សែ 38mm ចុះពី ២៤៩ ដុល្លារមកត្រឹម ១៤៩ ដុល្លារ ខណៈខ្សែ 42mm ចុះពី ២៧៩ ដុល្លារមកសល់ត្រឹម ១៧៩ ដុល្លារ ។ ថ្មីចេញពីក្នុងប្រអប់ទាំងពីរម៉ាកនេះ ស្ថិតក្នុងជម្រើសខ្សែពណ៌ស និងខ្មៅ ហើយបើអ្នកធ្វើការបញ្ជាទិញក្នុងពេលឥឡូវនេះ នឹងទទួលបានទំនិញអំឡុងថ្ងៃទី ៦ មេសា ឬអាចទទួលបានមុនថ្ងៃកំណត់ ដោយទំនាក់ទំនងផ្ទាល់ជាមួយសាខា Walmart ស្ថិតនៅក្បែរលោកអ្នកបំផុត។

ប្រសិនបើអ្នកមានបងប្អូននៅសហរដ្ឋអាមេរិក នេះជាឱកាសដ៏កម្រមួយ បន្សំនឹងកញ្ចប់សេវាកម្មជួសជុលរយៈពេល ៣ ឆ្នាំដោយចំណាយ ១៩ ដុល្លារបន្ថែម ឬ ៤ ឆ្នាំ ចំណាយ ២៦ ដុល្លារតែប៉ុណ្ណោះ។