ដំណោះស្រាយពេលបញ្ហា Focus មិនច្បាស់លើកាមេរ៉ា DSLR

2018-04-04 03:28:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលប្ដូរប្រើពីកាមេរ៉ាធម្មតាៗទៅប្រើ DSLR ចំណុចមួយអាចពិបាកបន្តិចក្នុងការសិក្សាលើការ Focus។ នេះដោយសារ អ្នកមានជម្រើសច្រើន ក្នុងការកែប្រែចំណុច Focus ជាមួយកាមេរ៉ាកម្រិតខ្ពស់បែបនេះរួមទាំងការ Focus ដោយស្វ័យប្រវត្តិ និងកែប្រែខ្លួនឯងផងដែរ។

ចូលជិត Subject ពេក

មុខងារ Autofocus របស់កាមេរ៉ា DSLR មិនផ្ដល់រូបភាពច្បាស់នោះទេ ពេលអ្នកចូលជិត Subject ពេក លើកលែងតែអ្នកប្រើ Macro lens។ អ្នកគួរថយឆ្ងាយបន្តិចពី Subject បើមិនដូច្នោះការ Focus នឹងបង្ហាញព្រាល។

ជៀសវាងប្រឈមពន្លឺដោយផ្ទាល់

ចំណាំងពន្លឺខ្លាំង អាចបណ្ដាលឲ្យមុខងារ Autofocus របស់ DSLR មិនអាចចាប់ Subject បានល្អនោះទេ។ អ្នកគួរប្ដូរទីតាំង ឬប្រើឆត្រ កាត់បន្ថយពន្លឺប្រឈមនឹងកាមេរ៉ា ក៏ដូចជាលើ Subject។

ស្ថានភាពងងឹត Focus ដំណើរការមិនសូវល្អនោះទេ

ពេលអ្នកថតរូបក្នុងស្ថានភាពងងឹត អ្នកប្រហែលជាមានបញ្ហាជាមួយនឹងមុខងារ Autofocus។ អ្នកគួរចុចប៊ូតុងថតសង្កត់ត្រឹមពាក់កណ្ដាល ដើម្បីឲ្យកាមេរ៉ា DSLR មានពេលគ្រប់គ្រាន់ Focus លើ Subject ទុកមុន ពេលថតក្នុងស្ថានភាពងងឹត។

គំនូសក្រឡា អាចបន្លំប្រព័ន្ធ Autofocus បាន

បើអ្នកថតរូប ពេល Subject ពាក់ខោអាវមានឆ្នូតទម្រង់ផ្សេងៗ មុខងារ Autofocus លើកាមេរ៉ាប្រហែលជាចាប់ Subject មិនបានល្អនោះទេ។ អ្នកគួរធ្វើការ Focus ជាមុនលើ Subject ដូចខាងលើ ដើម្បីជួយសម្រួលបញ្ហានេះ។

ព្យាយាមប្រើ Spot Focus

វាហាក់ពិបាកបន្តិច ពេលប្រើមុខងារ Autofocus របស់កាមេរ៉ា DSLR ពេលថត Subject ស្ថិតនៅផ្ទៃខាងក្រោយ ដែលមាន ធាតុច្រើននៅផ្ទៃខាងមុខ។ ធម្មតា កាមេរ៉ាប្រហែលជាព្យាយាម Autofocus លើធាតុនៅផ្ទៃខាងមុខ។ អ្នកត្រូវការចុចប៊ូតុងសង្កត់ពាក់កណ្ដាល ដើម្បី Focus ជាមុន ដោយស្វែងរកធាតុមួយដែលមានចម្ងាយស្ទើរតែដូចនឹង Subject តែចេញពីធាតុនៅផ្ទៃខាងមុខ។

អ្នកគួររក្សាប៊ូតុងសង្កត់ពាក់កណ្ដាល ហើយផ្លាស់ប្ដូរប្លង់រូបភាព មាន Subject ក្នុងទីតាំងអ្នកចង់បាន រួចចុចសង្កត់ពេញក្នុងការថត។

អ្នកក៏អាចផ្លាស់ប្ដូរប្រភេទ Spot focus នៃប្រព័ន្ធ Autofocus ដើម្បីធានាថាកាមេរ៉ា DSLR Focus បានត្រឹមត្រូវលើ Subject អ្នកចង់បាន។

ប្ដូរប្រើ Manual Focus វិញ

ដូចអ្នកដឹងស្រាប់ហើយ មុខងារ Autofocus របស់កាមេរ៉ា DSLR មិនសូវដំណើរការបានល្អនោះទេ។ អ្នកអាចសាកប្រើ Manual focus លើកាមេរ៉ា DSLR ឬ Lens ដែលអ្នកត្រូវការបើកប្ដូរ Lens ពី AF (Autofocus) ទៅ MF (Manual Focus)។

ពេលកាមេរ៉ាបានកំណត់ជា Manual focus អ្នកអាចប្ដូរកម្រិត Focus លើកង Lens បាន។ ពេលអ្នកបង្វិលប្ដូរទីតាំងកង Lens អ្នកនឹងឃើញការ Focus របស់ Subject ផ្លាស់ប្ដូរលើអេក្រង់ LCD ឬតាមរយៈ Viewfinder រួចកែប្រែតាមការគួរ។