ធឿន ធារ៉ា៖ ឈាមជ័រជាខ្មែរ មិនឲ្យគេមើលងាយទេ ដាក់ឲ្យជួប Saensatharn ពេលណាក៏បាន

2018-04-05 00:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេងរបស់កម្ពុជា ធឿន ធារ៉ា ថាក្នុងនាមជាខ្មែរម្នាក់មិនឲ្យគេមើលងាយទេ បើដាក់ឲ្យជួបប្រកួតជាមួយកីឡាករ Saensatharn ពេលណាក៏បានដែរ អត់មានខ្លាចឡើយ ព្រោះសម្ដីដែលអ្នកប្រដាល់រូបនេះនិយាយដូចជាធ្ងន់ៗពេកហើយ។

កីឡាករ ធឿន ធារ៉ា

ធឿន ធារ៉ា បានឲ្យដឹងថា មួយរយៈពេលនេះបានទទួលដំណឹងច្រើនតាមហ្វេសបុកទាក់ទិនទៅនិងកីឡាករថៃ Saensatharn អំពីការចង់ជួបប្រកួតគ្នាជាមួយនិងរូបគេ ហើយក៏មានក៏មានពាក្យប្រមាថ និងនិយាយមិនសមរម្យមួយចំនួនទៀតផងដែរ។

កីឡាករ ធឿន ធារ៉ា

តបទៅនិងពាក្យចង់ប្រកួតជាមួយជើងខ្លាំងកម្ពុជា ឬចង់ជួបជាមួយខ្លួន អ្នកប្រដាល់ដើមកំណើតមកពីព្រៃវែងខាងលើបន្ថែមថា ស្វាគមន៍ជានិច្ចចំពោះកីឡាករថៃម្នាក់នេះ បើទោះជាគេជាជើងខ្លាំងចាស់វស្សាម្នាក់ក៏ដោយ។ ព្រោះសម្ដីដែលធ្លាប់ថាឲ្យអ្នកប្រដាល់កម្ពុជាកន្លងទៅថ្មីៗនេះ ហាក់ដូចជាមើលងាយពេកហើយ។

រូបភាពហ្វេសបុក Saensatharn

រឿងរ៉ាវផ្លែផ្ការបស់អ្នកប្រដាល់ថៃ Saensatharn ជាមួយអ្នកគាំទ្រគុនខ្មែរ រួមនិងកីឡាករកម្ពុជាមួយចំនួននេះ កើតឡើងបន្ទាប់ពីកីឡាកររបស់ Thai Fight រូបនេះផ្ដួល ឡុង សុវណ្ណឌឿន ឲ្យសន្លប់នៅទឹកទី១ កាលពីថ្ងៃសៅរ៍ ទី២៤ ខែមីនា ឆ្នាំ២០១៨ កន្លងទៅនេះ៕

ព័ត៌មានជាតិ
ព័ត៌មានកីឡាអន្តរជាតិ
ព័ត៌មានអំពីប្រដាល់
Sabay កំពុងជ្រើសរើសបុគ្គលផ្នែក Corporate Sales Executives ៥នាក់ ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW