iPad ថ្មី របស់ Apple ក្រៅតែពីប៊ិច មានចំណុចខ្លាំងអ្វីខ្លះ?

2018-04-05 01:49:28
ចំនួនមតិ 0 | ចំនួនចែករំលែក 0

ចន្លោះមិនឃើញ

iPad ២០១៨ ថ្មីរបស់ Apple យកមូលដ្ឋានពីម៉ូដែល ២០១៧ តែមាន Processor លឿនជាង និងអាចប្រើប៉ិចបាន (Apple Pencil) ដែលអាចបង្កើតគំនូសផ្សេងៗលើអេក្រង់។ iPad ថ្មីនេះបានប្រកាសនៅព្រឹត្តិការណ៍មួយនៅក្រុង Chicago បំណងផ្ដោតលើការអប់រំ ហើយ សិស្ស និងគ្រូបង្រៀនក្នុងសហរដ្ឋអាមេរិក ទទួលបានពិសេស។

តែអ្នកប្រើប្រាស់ទូទៅ សម្រាប់កំណែទម្រង់ iPad នេះប្រហែលអាចវាយតម្លៃត្រឹម A ខណៈ iPad Pro នៅតែ A+។ តែការបន្ថែមប៉ិច ពិតណាស់បើអ្នកចង់បាន តែមិនតម្រូវនោះទេ គ្រាន់តែជាការបន្ថែមមួយជ្រុងទៅលើ Tablet។

តម្លៃ iPad ២០១៨

iPad ៩.៧ អ៉ីង ២០១៨

មានចំណុចអ្វីខ្លះខុសគ្នាពី iPad ២០១៧?

ម៉ូដែលឆ្នាំមុន រូបរាងស្អាត និងល្បឿនគួរសមដែរ ដោយមាន Processor ថ្មីបំពាក់លើតួ iPad Air ចាស់ តែធ្វើការបានយ៉ាងល្អ។ ម្យ៉ាងទៀត iPad ក៏មិនមានការផ្លាស់ប្ដូររូបរាងអ្វីដែរប៉ុន្មានឆ្នាំចុងក្រោយនេះ។

ម៉ូដែល iPad ៩.៧អ៊ីង ២០១៨ មានរូបរាងដូចគ្នា តែបានពង្រឹងសមត្ថភាពផ្នែកខាងក្នុង ដោយមាន Processor A10 ល្បឿនលឿនយកឈ្នះរាល់ iPhone និង iPad មួយចំនួន លើកលែងតែ iPad Pro និង iPhone 8, 8 Plus, X។

បច្ចុប្បន្ន iPad អាចដំណើរការជាមួយប៉ិច ស្រដៀងប៉ិចលើ Surface របស់ Microsoft ដែរ ក្នុងការជួយសម្រួលការងារមួយចំនួនពាក់ព័ន្ធនឹងកម្មវិធីសិល្បៈ ឬគំនូរផ្សេងៗ។ ប៉ិចរបស់ Apple អាចដំណើរការជាមួយបណ្ដាលកម្មវិធី iWork រួមមាន Pages, Notes និងកម្មវិធីមួយចំនួនទៀត។ ការកត់ចំណាំលើ PDFs និង រូបភាពក៏កាន់តែមានភាពងាយស្រួល ខណៈល្បឿនឆ្លើយតបវិញក៏ល្អផងដែរ។ តែអ្នកប្រហែលជាមិនត្រូវការប៉ិចនោះទេ ខណៈប្រើត្រឹមម្រាមដៃ ជួយការងារបានល្អ បើអ្នកមិនចង់ចំណាយលុយបន្ថែម លើកលែងតែអ្នកចង់សាកល្បងវិធីថ្មីលើ iPad។ ល្បឿន LTE លើ iPad មានដល់ទៅ ៣០០Mbps។

ថាមពលថ្ម ប្រើបាន ១០ ម៉ោងដូចនឹង iPads ដទៃទៀតដែរ ពេលប្រើអ៊ីនធឺណិត។ ចំណុចដែលល្អប្រសើរមានតែ Processor និងជម្រើសប៉ិចតែប៉ុណ្ណោះ។

ចំណុចល្អ និងមិនល្អរបស់ប៉ិច Apple

ប៉ិច Apple ប្រហែលជាចំណុចភ្ញាក់ផ្អើលបំផុតរបស់ iPad ដែលមានសមត្ថភាពគូសវាសលើមុំផ្សេងៗ។ ប៉ិចនេះសាកថ្មបានលឿន ជាមួយនឹង Lighting ខណៈតម្លៃប្រហែល ៩៩ដុល្លារ។ រីឯការរចនាស្អាតមួយបែបដែរ តែគម្របគ្របពីលើ Lightning (សម្រាប់ភ្ជាប់សាកថ្ម) ងាយស្រួលនឹងបាត់។ ម្យ៉ាងទៀត លើ iPad ក៏មិនមានកន្លែងភ្ជាប់ប៉ិចតាម លើកលែងតែអ្នកប្រើសម្បកភ្ជាប់បន្ថែមមានមុខងារនេះ។

Logitech បង្កើតប៉ិចមួយ ហៅថា Crayon តម្លៃប្រហែល ៤៩ ដុល្លារ ផ្ដល់ភាពងាយស្រួលដល់ក្មេងៗកាន់ប្រើ ហើយមិនរមៀលពីលើតុនោះទេ។ តែមិនដូចនឹង ប៉ិចរបស់ Apple ដែលមានមុខងារសង្កត់ពង្រីកទំហំគំនូស នេះជាចំណុចលេចធ្លោជាងបន្តិចដែរ។ Crayon មានតែលើទីផ្សារអប់រំប៉ុណ្ណោះ។

ប៉ិចនេះ ជាឧបករណ៍បន្ថែមលើ iPad តែមែនទែនទៅ iPad ដំណើរការបានល្អដោយប្រើម្រាមដៃ លើកលែងតែអ្នកចង់គូសចំណាំ ឬក៏គូសរូប ឧបករណ៍នេះអាចជួយសម្រួលការងារបាន៕

វីដេអូ៖