Facebook ប្រាប់ចំនួនអ្នកប្រើប្រាស់ពិត ដែលបែកធ្លាយទិន្នន័យសម្ងាត់

2018-04-05 01:55:10
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះ Facebook បានបង្ហាញពីចំនួនគណនីពិតប្រាកដដែលទិន្នន័យសម្ងាត់របស់ពួកគេត្រូវបានក្រុមហ៊ុន Cambridge Analytica យកទៅប្រើប្រាស់។

កន្លងមកមានការផ្សព្វផ្សាយថាគណនី Facebook មិនតិចជាង ៥០ លានគណនីនោះទេ ដែលបានលេចធ្លាយទិន្នន័យសម្ងាត់។ ប៉ុន្តែតាមការបញ្ជាក់របស់លោក Mike Schroepfer នាយកផ្នែកបច្ចេកវិទ្យានៃ Facebook បានឲ្យដឹងថា គណនីសរុបមានដល់ខ្ទង់ ៨៧ លានឯណោះ។

ក្នុងនោះមាន ៧០ លានគណនី ជាគណនីនៅសហរដ្ឋអាមេរិក, ហ្វីលីពីន ឥណ្ឌូណេស៊ី និង ចក្រភពអង់គ្លេសមានចំនួន ១ លានគណនី និង នៅវៀតណាមមានចំនួន ៤០ ម៉ឺនគណនីផងដែរ។

ទិន្នន័យគណនីទាំង ៨៧ លាននេះត្រូវបានយកទៅប្រើប្រាស់ដោយអ្នកស្រាវជ្រាវសញ្ជាតិរុស្សីលាយអាមេរិក ឈ្មោះ Aleksandr Kogan។ ប៉ុន្តែក្រោយមកវាក៏បានទៅដល់ដៃក្រុមហ៊ុនប្រឹក្សានយោបាយ Cambridge Analytica ដែលត្រូវបានជួលដោយលោក Donald Trump ដើម្បីធ្វើការផ្សព្វផ្សាយយុទ្ធនាការ។

Facebook ក៏បានបង្ហាញអំពីការផ្លាស់ប្ដូរមួយចំនួនដើម្បីទប់ស្កាត់បញ្ហាលេចធ្លាយទិន្នន័យសម្ងាត់នេះម្ដងទៀត ដែលក្នុងនោះរួមមានការតម្រូវឲ្យកម្មវិធីនីមួយៗទទួលបានការអនុញ្ញាតពី Facebook ជាមុន មុននឹងពួកគេអាចបានទិន្នន័យសម្ងាត់អ្នកប្រើប្រាស់៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ PhoneArena ប្រែសម្រួល៖ សុខហេង