ក្រោយល្បីអេក្រង់ឆក Apple នៅសល់ iPhone រូបរាងប្លែកមួយទៀតចង់បង្ហាញ

2018-04-05 12:53:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple ត្រូវបានគេដឹងថាកំពុងស្ថិតក្នុងការអភិវឌ្ឍបច្ចេកវិទ្យាអេក្រង់កោង អមមុខងារបញ្ជាដោយពុំប្រើ Touchscreen ទៅលើ iPhone នៅថ្ងៃអនាគត។ មុខងារថ្មីឲ្យឈ្មោះ Touchless Gesture Control នឹងអនុញ្ញាតឲ្យអ្នកប្រើ បញ្ជា iPhone តាមរយៈម្រាមដៃតែមិនចាំបាច់សង្កត់ដល់អេក្រង់ ព្រោះបច្ចេកវិទ្យាពិសេសនេះអាចវាស់ស្ទង់ចាប់យកនូវចម្ងាយបញ្ជាជិតឬឆ្ងាយចេញពីម្រាមផ្ទាល់តែម្តង។

ប្រភពពី Bloomberg សង្កត់ធ្ងន់ចំពោះការរចនាអេក្រង់កោងគឺផ្តោតសភាពកោងតាំងពីផ្នែកខាងលើមកដល់បាតក្រោមតែម្តង ខុសពី SAMSUNG ដែលរចនាត្រឹមចំហៀងសងខាង។ ទន្ទឹមនឹងការផ្លាស់ប្តូរតួខ្លួនកោង ក៏តម្រូវឲ្យក្រុមហ៊ុន Apple ត្រូវវិវត្តទៅរកបច្ចេកវិទ្យាកាមេរ៉ានិងអេក្រង់ឲ្យកាន់តែទំនើបជាងនេះ ម្ល៉ោះសម្រាប់ការបង្ហាញខ្លួនរំពឹងនឹងវាយលុកទីផ្សារអំឡុង ២ ទៅ ៣ ឆ្នាំបន្ទាប់ ។

បញ្ជាក់ថាចចាមអារ៉ាមមុននេះបន្តិច ក៏ធ្លាប់ទម្លាយម្តងរួចមកហើយជុំវិញការប្រកាស iPhone បីសេរ៊ីក្នុងឆ្នាំ ២០១៨ ដោយទំនងជាមានម៉ូឌែល iPhone X Plus ប្រើអេក្រង់ ៦,៥ អ៊ីញ និង ២ ម៉ូឌែលផ្សេងទៀត សុទ្ធសឹងបំពាក់បច្ចេកវិទ្យាកាមេរ៉ា TrueDepth, មុខងារ Face ID និងអេក្រង់ពេញផ្ទៃគែមសងខាង។

-->Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N