ប្រជាជនសាំងហ្គាពួរខឹងសម្បារ ក្រោយចេញច្បាប់ហាមមិនឲ្យអ្នកអាយុក្រោម២១ឆ្នាំចូលទស្សនារឿង "Love, Simon”

2018-04-05 10:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តថ្មីពីហូលីវូដ "Love, Simon” នឹងមិនអនុញ្ញាតឲ្យអ្នកចូលទស្សនាដែលមានអាយុក្រោម២១ឆ្នាំនោះទេ។ ភាពយន្តមនោសញ្ចេតនានិយាយអំពីស្នេហាស្រលាញ់ភេទដូចគ្នារបស់លោក Greg Berlanti ត្រូវបានអ្នកចាត់ចែងខាងផ្នែកសិល្បៈនិងភាពយន្ត (IMDA) កំណត់ថាជាភាពយន្តប្រភេទ R21 ពោលគឺបើសិនជាអ្នកទស្សនាមានអាយុក្រោម២១ឆ្នាំ ពួកគេមិនអាចចូលមើលនៅរោងកុនបាននោះទេ។

សាច់រឿងនេះនិយាយអំពីតួអង្គម្នាក់ នៅក្នុងសហគមន៍ LGBTQ ដែលមានឈ្មោះថា Simon Spier ដែលព្យាយាមបង្ហាញពីអារម្មណ៍ស្នេហាពិតរបស់ខ្លួនខណៈកំពុងរៀនថ្នាក់វិទ្យាល័យ ទៅកាន់សមាជិកគ្រួសារនិងមិត្តភ័ក្ដិ។ អ្នកគ្រប់គ្រងផ្នែកភាពយន្ត (IMDA) បានកំណត់ថាភាពយន្តនេះ និយាយអំពីរឿងរ៉ាវ "មនុស្សស្រលាញ់ភេទដូចគ្នា" ច្រើនពេក។ មិនត្រឹមតែប៉ុណ្ណោះមកដល់ពេលនេះហើយ សាំងហ្គាពួរ មិនទាន់មានច្បាប់ដើម្បីការពារការរើសអើងអ្នកស្រលាញ់ភេទដូចគ្នានៅឡើយ។

ហេតុដូច្នេះហើយ ទើបធ្វើឲ្យមានអ្នកចង់ទស្សនាភាពយន្តនេះជាច្រើននាក់ បានប្រមូលផ្ដុំគ្នាបង្កើតជា ការប្រមូលមតិដើម្បីផ្លាស់ប្ដូរមួយ (Petition) ដែលមានអ្នកចូលរួមដល់ទៅ ១ម៉ឺន៣ពាន់នាក់ គ្រាន់តែបង្កើតវាភ្លាម។

Petition នោះគឺតម្រូវឲ្យផ្លាស់ប្ដូរការដាក់ចំណាត់ថ្នាក់ប្រភេទរឿងនេះពី R21 ទៅជា NC16 វិញ។