Mac Pro កំណត់ថ្ងៃចេញលក់ច្បាស់ការ ឈប់ឲ្យហ្វេនចាំស្ទះទៀតហើយ

2018-04-06 02:35:39
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលជាង ៤ឆ្នាំមកហើយតាំងពី ខែធ្នូ ឆ្នាំ ២០១៣ ដែលកុំព្យូទ័រធុនធ្ងន់របស់ Apple គឺ Mac Pro បានបង្ហាញខ្លួន។ នាកាលនោះ គ្រប់គ្នាពិតជាភ្ញាក់ផ្អើលមិនតិចទេ ជាមួយការរចនាបែបថ្មីមានរាងជាស៊ីឡាំង ដែលតូចឆ្ងាយ និងស្រស់ស្អាតជាងម៉ូដែលមុនដែលមានរូបរាងជាង ធុងចតុកោណដូចកុំព្យូទ័រទូទៅ។

មិនជាថ្វីឡើយ នាយកទីផ្សារផលិតផលរបស់ Apple លោក Tom Boger បានប្រាប់ Techcruch ថា Mac Pro នឹងចេញនៅឆ្នាំ ២០១៩ ហើយលោកចង់ឲ្យគ្រប់គ្នាបានដឹង ជាពិសេសគឺក្រុមអ្នកប្រើកុំព្យូទ័រសម្រាប់ការងារអាជីពតែម្ដង។ សូមបញ្ជាក់ថា កាលពីខែមេសា ឆ្នាំមុនខាង Apple បានចេញមកបញ្ជាក់ថា Mac Pro នឹងមិនចេញក្នុងឆ្នាំនោះ (២០១៧) ឡើយ ដែលជាហេតុធ្វើឲ្យមនុស្សមួយចំនួនធំយល់ថា ២០១៨ ជាឆ្នាំដែល Apple នឹងបញ្ចេញ Mac Pro ជំនាន់ថ្មី។ យ៉ាងណាមិញ Apple ក៏មិនបានបញ្ជាក់ថាឆ្នាំណាឲ្យប្រាកដដែរនាកាលនោះ រហូតដល់ការផ្ដល់ដំណឹងចុងក្រោយនេះថា វានឹងចេញនៅឆ្នាំ ២០១៩។

ការផ្ដល់ព័ត៌មានពីការមកដល់នៃ Mac Pro នាឆ្នាំក្រោយនេះមិនបានបញ្ជាក់ពីលក្ខណៈសម្បត្តិរបស់វានៅឡើយទេ ប៉ុន្តែបើតាមការសម្ភាសន៍ឆ្នាំមុនរបស់លោក Phil Schiller បានលើកឡើងថា Mac Pro ស៊េរីក្រោយ និងមាន Hardware ដាច់ពីគ្នា ដែលអាចឲ្យអ្នករាល់គ្នាធ្វើការ Upgrade បានងាយស្រួលជាង Mac Pro ដែលមានរាងជាស៊ីឡាំងនេះ។

ចាំមើលថាតើ Mac Pro ស៊េរីថ្មីនេះមានរាងស្អាត និងសមត្ថភាពខ្លាំងប៉ុនណានោះ សូមរង់ចាំតាមដានជាមួយ Sabay ទាំងអស់គ្នា។

ចុចអាន៖ - Facebook ឆ្លើយត្រង់ៗថា រាល់សារអ្នកប្រើប្រាស់ផ្ញើឲ្យគ្នា ត្រូវបានឆែកខ្ទេចគ្មានសល់ទេ

ចុចអាន៖ - បុគ្គលិកជាង ៣ ០០០ នាក់ ទ្រាំលែងបាន ស្នើមេ Google ដកខ្លួនពីគម្រោងសម្ងាត់មួយ

ប្រភព៖ Cnet ប្រែសម្រួល៖ ផាត សុវត្ថិ