ល្បីថា S9 Plus ខ្លាំងថតរូបក្នុងស្ថានភាពងងឹត មកសាកជាមួយ Pixel 2XL តិចមើល!

2018-04-08 01:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy S9 ជាទូរសព្ទដំបូង បំពាក់ Lens មាន Aperture f/1.5។ តាមទ្រឹស្ដី Aperture ធំ មានន័យថាអាចចាប់ ឬប្រមូលពន្លឺបានច្រើន។ ចំណែកឯ Pixel 2 XL របស់ Google ជាស្មាតហ្វូនជំនាន់ថ្មីរស់ Pixel ដែលជាទូរសព្ទមានកាមេរ៉ាល្អ ដោយសម្រេចបានលទ្ធផលដ៏ល្អតាមរយៈ Algorithm ដ៏ឆ្លាតវ័យ មិនចាញ់ S9 Plus នោះទេ។

យ៉ាងណាមិញកាមេរ៉ាពីរគ្រាប់បំពាក់ទាំងលើ Galaxy S9 Plus និង Pixel 2 XL ជួយឲ្យការថតរូបកាន់តែល្អប្រសើរដូចគ្នា។ អ្វីដែលប្លែកនោះត្រង់ថា S9 Plus មាន Lens ទីពីរជាប្រភេទ Telephoto Lens និង Super slow-motion mode ដែលគ្មាននៅលើ Pixel។

#តោះ! មកប្រៀបធៀបគុណភាពកាមេរ៉ាជើងខ្លាំងទាំងពីរនេះ៖

រូបភាពខាងឆ្វេង Galaxy S9 Plus ហើយរូបភាពខាងស្តាំ Pixel 2 XL

ទូរសព្ទទាំងពីរដំណើរការបានយ៉ាងល្អក្នុងការផ្តល់ពន្លឺដល់ទិដ្ឋភាព ដោយមិនបំផ្លាញដល់ចំណាំងពន្លឺក្នុងទន្លេ និងពន្លឺជះលើរថយន្ត ឬធ្វើឲ្យខូចផ្ទៃមេឃពណ៌ខ្មៅជាមួយស្នាមតូចៗ (Noise) ឡើយ។ ពេលអ្នកពង្រីកឲ្យជិត Pixel បង្ហាញគ្រាប់តូចៗច្រើនជាង S9។

រូបភាពមួយទៀត បង្ហាញការប្រៀបធៀបចំនុចខ្លាំង និងខ្សោយលើកាមេរ៉ានីមួយៗ។ Pixel បន្ថែមពណ៌លឿងទៅលើទិដ្ឋភាព ខណៈ S9 វាយតម្លៃ White balance បានយ៉ាងល្អ។ ម៉ូដែលទាំងពីរ មិនបានបង្ហាញគ្រាប់ប៊ូតុង (Keypad) បានច្បាស់នោះទេ។ តែ Pixel ចាប់យកទិដ្ឋភាពបានច្បាស់ល្អចំពោះសារ Swisscom លើអេក្រង់ ដែល S9 បង្ហាញចេញមកបែក។

មានចំនុចខុសគ្នាធំពីរបង្ហាញនៅទីនេះ។ ពន្លឺភ្លើងចរាចរណ៍ពណ៌ក្រហម និងពន្លឺតាមផ្លូវនៅគែមខាងឆ្វេងរូបភាពមានពន្លឺរីកធំដោយមាន Noise លើរូបភាព Pixel ខណៈរូបភាពរបស់ Samsung បង្ហាញបានល្អជាង។ Pixel បង្ហាញកម្រិតពណ៌បានច្រើនល្អ ខណៈ S9 មានកម្រិតពណ៌មិនសូវល្អ។

រូបភាពរបស់ Samsung មើលទៅមានកម្រិតពណ៌ក្រហមច្រើនជាង Pixel 2 ហើយ S9 បង្ហាញចេញមកបែក ខណៈ Pixel បង្ហាញចេញមកបានល្អ។

HDR របស់ Google បង្ហាញទិដ្ឋភាពមានលក្ខណៈ Dramatic និង Ominous cloud formation (ពណ៌មុតខ្លាំង) ខណៈ Samsung បង្ហាញចេញមកមានលក្ខណៈស្រទន់ និងបែបធម្មជាតិ។

Samsung វាយតម្លៃ White balance បានយ៉ាងល្អ ហើយរូបភាពច្បាស់ជាងកាមេរ៉ារបស់ Google។ បើ Samsung គ្រាន់តែធ្វើឲ្យទិដ្ឋភាពពេលយប់ មើលទៅដូចទិដ្ឋភាពពេលយប់ (ជំនួសឲ្យការព្យាយាមបង្កើតបន្ថែមលក្ខណៈដូចពេលថ្ងៃ) ហើយនេះនឹងជាកាមេរ៉ាល្អបំផុតសម្រាប់ការថតរូបធម្មតា (Casual)។

កាមេរ៉ារបស់ Galaxy S9 សាកសមជាគូប្រជែងទៅនឹង Pixel 2 នេះមិនមែនមានន័យថា ម៉ូដែល iPhone X, LG V30, Huawei Mate 10 Pro ឬស្មាតហ្វូនផ្សេងទៀតមិនល្អនោះទេ គ្រាន់ថាបច្ចុប្បន្ន កាមេរ៉ាលើទូរសព្ទពេញនិយមមានលើ Pixels របស់ Google, ម៉ូដែល U11 របស់ HTC ហើយបច្ចុប្បន្នមាន Galaxy S9៕

វីដេអូ៖