Man Utd វាយបក ៣គ្រាប់ បង្អាក់ដំណើរលើកពានរបស់ Man City
- 2018-04-08 02:06:56
- ចំនួនមតិ 0 | ចំនួនចែករំលែក 0
Man Utd វាយបក ៣គ្រាប់ បង្អាក់ដំណើរលើកពានរបស់ Man City
ចន្លោះមិនឃើញ
បិសាចក្រហម Manchester United បានវាយបកទៅលើម្ចាស់ផ្ទះ Manchester City ៣-២ ដើម្បីបង្អាក់ដំណើរក្នុងការលើកពានរបស់ក្រុមកំពូលតារាង Premier League កាលពីយប់មិញនេះ ក្នុងជំនួបសប្ដាហ៍ទី៣២។
បើកការប្រកួតភ្លាមក្រុមម្ចាស់ផ្ទះបានកៀបសង្កត់ក្រុមភ្ញៀវយ៉ាងខ្លាំង រហូតអាចរកបានពីរគ្រាប់នៅវគ្គទី១ ដើម្បីនាំមុខមុន ២-០ ដែលពីរគ្រាប់នេះរកបានដោយខ្សែការពារកណ្ដាល Vincent Kompany នៅនាទីទី២៥ និងមួយគ្រាប់ទៀតរកបានដោយខ្សែបម្រើកណ្ដាល Ilkay Guendogan នៅ ៥នាទីបន្ទាប់ ពោលគឺនាទីទី៣០។
ចូលដល់វគ្គទី២ក្រុមភ្ញៀវ Manchester United អាចរកបាន ៣ គ្រាប់មកវិញដោយខ្សែបម្រើ Paul Pogba ពីរគ្រាប់នៅនាទីទី ៥៣ និង ៥៥ ខណៈគ្រាប់បាល់ជ័យជម្នះរបស់ក្រុមភ្ញៀវរកបានដោយខ្សែការពារកណ្ដាល Chris Smalling នៅនាទីទី ៦៩ ។ ចប់ការប្រកួតម្ចាស់ផ្ទះមេឃខៀវចាញ់បិសាចក្រហម ៣-២។
ការយកឈ្នះរបស់ Manchester Unted គឺជាការបង្អាក់ដំណើរក្នុងការលើកពានរបស់ Manchester City ពីព្រោះពួកគេនឹងគ្រងជើងឯក English Premier League រដូវកាលនេះ ប្រសិនបើឈ្នះបិសាចក្រហមយប់មិញ៕