Facebook បន្ថែមមុខងារថ្មី ចង់លុប App ចោលម្តងទាំងអស់គ្មានបញ្ហាទេ

2018-04-09 01:41:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយផ្ទុះរឿងអាស្រូវជុំវិញការបែកធ្លាយព័ត៌មានចេញពីគណនីរាប់សិបលាននាក់លើបណ្តាញសង្គម Facebook ក្រុមហ៊ុនយក្សអាមេរិកមួយនេះបានខ្វាត់ខ្វែងរកវិធីទប់ស្កាត់និងដំណោះស្រាយភ្លាមៗជូនអតិថិជនអ្នកប្រើប្រាស់។

ដោយដឹងច្បាស់ថាដើមចមនៃបញ្ហាកើតឡើងមកពីការលួចចម្លងនៃបណ្ដា App មកពីខាងក្រៅ ភ្ជាប់ទៅកាន់គណនី Facebook របស់អ្នករាល់គ្នា ម្ល៉ោះហើយក្រុមហ៊ុនលោក Mark Zuckerberg ក៏ចាប់ពង្រឹងត្រង់ចំណុចនោះបន្ថែមមួយកម្រិតទៀត។ ជាធម្មតាបណ្តាញសង្គមនេះអនុញ្ញាតឲ្យអ្នកប្រើធ្វើការលុប App ចេញពីគណនីតែម្តងមួយ ប៉ុន្តែការ Update ថ្មីទាំងលើកំណែ Website និង Mobile អ្នកប្រើប្រាស់អាចជ្រើសរើសនូវ App ជាច្រើន ហើយធ្វើការលុបព្រមគ្នាក្នុងពេលតែមួយ។

បញ្ជាក់បន្ថែមពីគេហទំព័រ TechCrunch ថាថ្វីបើគ្មានប៊ូតុងចុច Select All ដោយស្វ័យប្រវត្តិក៏ពិតមែន ប៉ុន្តែនេះក៏ជាភាពងាយស្រួលនិងសាមញ្ញមួយផ្សេងទៀត ដែលម្ចាស់គណនីរាល់គ្នាអាចសាកល្បងបានតាមរយៈ Apps នៅក្នុង Account Settings ដើម្បីពង្រឹងប្រព័ន្ធសុវត្ថិភាពឲ្យបានកាន់តែប្រសើរ។