ថ្ងៃនេះ Apple កំពុងត្រៀមចេញផលិតផលពិសេស រំលេចពណ៌ក្រហមឆេះ (មានវីដេអូ)

2018-04-09 02:41:31
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមប្រភពពី Macrumour មកថាគេបានទទួលលិខិតពីក្រុមហ៊ុនសេវាទូរស័ព្ទ Virgin Mobile អំពីការចេញលក់ ផលិតផលពណ៌ក្រហម Product (RED™ ) របស់ក្រុមហ៊ុន Apple ក្នុងថ្ងៃនេះហើយ។

រូបភាព Render របស់ iPhone X Red

ផលិតផលដែលនឹងចេញជា Product (RED™ ) នេះគឺ iPhone 8 និង iPhone 8 Plus។ តាមការបញ្ជាក់បន្ថែមពីក្រុមហ៊ុនទូរស័ព្ទខាងលើ Product (RED™ ) នឹងមានបើកការបញ្ជាទិញភ្លាមតែម្ដងពេល Apple ប្រកាសចេញ។ យ៉ាងណាមិញ គេមិនបានទទួលព័ត៌មានពី iPhone X ដែលជាទូរសព្ទគម្រប់ខួប ១០ឆ្នាំរបស់ iPhone ថាវានឹងមានចេញជា Product (RED™ ) ឬក៏យ៉ាងណានោះទេ។

សូមបញ្ជាក់ផងដែរថា Product (RED™ )ជាគំរូផលិតផល ដែលសហការជាមួយនឹងក្រុមហ៊ុនល្បីៗជាច្រើន ដើម្បីយកថវិកាចំណេញមួយភាគទៅចូលរួមក្នុងការប្រយុទ្ធប្រឆាំងនឹងមេរោគអេដស៍ និងជំងឺអេដស៍នៅក្នុងប្រទេសមួយចំនួននៅក្នុងទ្វីបអាហ្វ្រិក ដូចជាប្រទេស Ghana, Kenya, Lesotho, Rwanda, Swaziland, Tanzania, Zambia និងអាហ្វ្រិកខាងត្បូង។

Apple បានបញ្ចេញ Product (RED™ ) នេះយ៉ាងច្រើននៅលើផលិតផលខ្លួនដូចជា iPod, iPad និងស្រោមដាក់ទូរសព្ទ បូករួមនឹងឆ្នាំមុនដែល Apple ទើបបានបញ្ចេញ iPhone 7 និង iPhone 7 Plus ជា Product (RED™ )។

ខាងក្រោមនេះជាវីដេអូរបស់ក្រុមការងារ EverythingApplePro បានបង្ហាញពីរូបភាព Render របស់ iPhone Product (RED™ ) 2018៖