Youtube បង្កើតមាតិកាពិសេសសម្រាប់កុមារ ឪពុកម្តាយមិនបាច់ភ័យទៀតទេ

2018-04-09 03:36:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Youtube Kids គឺជាកម្មវិធីមួយដែលផលិតឡើងតម្រូវសម្រាប់ក្មេងៗ ហើយវាមានមាតិកាអប់រំ គំនូរជីវចល និងបទចម្រៀងសម្រាប់ក្មេងៗជាដើម។

ក្រុមហ៊ុន Google បានដាក់ដំណើរការ Youtube Kids មួយរយៈធំមកហើយ ទើបតែពេលនេះទេ ដែលក្រុមហ៊ុនយក្សមួយនេះបានធ្វើការ Update ទៅលើការត្រួតពិនិត្យមាតិកា ពីការប្រើប្រាស់កម្មវិធីស្វ័យប្រវត្តិ ដោយឲ្យមនុស្សមកត្រួតពិនិត្យមាតិកាទាំងនោះដោយផ្ទាល់តែម្ដង។ ឪពុកម្ដាយគ្រប់រូប នឹងទទួលបានការ Update នៅក្នុងប៉ុន្មានសប្ដាហ៍ទៀត ដោយអាចជ្រើសយកអ្នកត្រួតពិនិត្យមាតិកាជាមនុស្សផ្ទាល់ ឬក៏នៅទុកឲ្យកម្មវិធីស្វ័យប្រវត្តិដដែលក៏បាន។

ដោយហេតុថា Youtube មានអ្នក upload វីដេអូរាប់សែនក្នុងមួយថ្ងៃៗ ធ្វើឲ្យឪពុកម្ដាយ និងអាណាព្យាបាលគ្រប់រូបមានការព្រួយបារម្ភខ្លាចកូនៗរបស់ខ្លួនមើលប៉ះចំមាតិកាមិនល្អ ដែលអាចជះឥទ្ធិពលអាក្រក់ដល់រូបគេនាពេលអនាគត។ ដូច្នេះ ការ Update លើកនេះនឹងកាត់បន្ថយហានិភ័យចំពោះមាតិកាដែលមិនសមរម្យចំពោះកុមារ ព្រោះការប្រើប្រាស់មនុស្សមកត្រួតពិនិត្យផ្ទាល់ វាប្រៀបដូចជាមានមនុស្សធំនៅចាំមើលក្មេងៗទាំងនោះ និងចាំបញ្ចៀសគេចេញពីវីដេអូមិនល្អដូច្នោះដែរ៕