អាមេរិកហុចដងឲ្យតៃវ៉ាន់ លើគម្រោងផលិតនាវាមុជទឹកផ្ទាល់ខ្លួន

2018-04-09 03:29:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំមុន តៃវ៉ាន់បានចាប់ផ្ដើមគម្រោងផលិតនាវាមុជទឹកផ្ទាល់ខ្លួន ក្រោយសហរដ្ឋអាមេរិកបដិសេធមិនព្រមលក់ឲ្យ។

យ៉ាងណាមិញ ក្រសួងការបរទេសអាមេរិកបានយល់ព្រមផ្ដល់អាជ្ញាប័ណ្ណក្នុងការលក់បច្ចេកវិទ្យាចាំបាច់សម្រាប់ការផលិតជំនួសឲ្យការលក់នាវាមុជទឹកទាំងមូលឲ្យតៃវ៉ាន់។ ជាមួយគ្នាដែរ អ្នកនាំពាក្យក្រសួងការពារជាតិតៃវ៉ាន់ លោក Chen Chung-chi បាននិយាយកាលពីថ្ងៃអាទិត្យថា ការយល់ព្រមរបស់អាមេរិកនេះគឺជា "ការទម្លាយភាពទាល់ច្រក"។ វាជាផ្នែកមួយនៃដំណើរការផលិតនាវាមុជទឹករបស់យើង ហើយយើងនឹងចាត់វិធានការនេះជាជំហានៗ។

ទោះយ៉ាងណាក៏ដោយ កិច្ចព្រមព្រៀងលក់បច្ចេកវិទ្យានាវាមុជទឹករវាងសហរដ្ឋអាមេរិក និងតៃវ៉ាន់ ហាក់ធ្វើឲ្យរដ្ឋាភិបាលក្រុង ប៉េកាំងមិនសប្បាយចិត្តនោះទេ ដោយសារវាអាចជាជំហានមួយរបស់តៃវ៉ាន់ក្នុងការផ្ដាច់ខ្លួនចេញពី ចិន៕

ចុចអាន ៖

ប្រភព៖ Scmp ប្រែសម្រួល៖ រ័ត្ន