មកស្គាល់ ការងារកំពូលស្ត្រេសទាំង ១០ ក្នុងពិភពលោក
- 2018-04-09 06:56:21
- ចំនួនមតិ 0 | ចំនួនចែករំលែក 0
មកស្គាល់ ការងារកំពូលស្ត្រេសទាំង ១០ ក្នុងពិភពលោក
ចន្លោះមិនឃើញ
ជាធម្មតា អ្នកធ្វើការគ្រប់រូបតែងមានអារម្មណ៍ស្ត្រេសនៅកន្លែងការងារ។ យោងតាមរបាយការណ៍ឆ្នាំ ២០១៧ របស់សមាគមចិត្តសាស្រ្តអាមេរិចឲ្យដឹងថា កម្រិតនៃអារម្មណ៍ស្ត្រេសនៅកន្លែងការងារបានកើនឡើងជាលើកដំបូងក្នុងរយៈពេលមួយទសវត្សរ៍។
ខាងក្រោមនេះគឺជា ការងារកំពូលស្ត្រេសទាំង ១០ ក្នុងពិភពលោក ៖
១. អ្នកបើកតាក់ស៊ី
ការប្រឈមមុខនឹងភ្ញៀវស្រវឹង, ឬកពារមិនសមរម្យ រួមទាំងបញ្ហាស្ទះចរាចរតាមផ្លូវ បានធ្វើឲ្យមុខរបររត់តាក់ស៊ីមានភាពស្ត្រេសបំផុតមួយ។
២. នាយកប្រតិបត្តិក្រុមហ៊ុនជាន់ខ្ពស់
ដើម្បីធ្វើឲ្យអង្គភាពដំណើរការបានរលូន នាយកប្រតិបត្តិត្រូវធ្វើការងារយូរម៉ោង, ធ្វើការសម្រេចចិត្តដែលមានឥទ្ធិពលដល់អង្គភាព និងបុគ្គលិកទាំងអស់របស់ខ្លួន រួមទាំងប្រឈមមុខនឹងការប្រកួតប្រជែងជាច្រើនទៀត។
៣. នាយកប្រតិបត្តិទំនាក់ទំនងសាធារណៈ
នាយកប្រតិបត្តិទំនាក់ទំនងសាធារណៈ ត្រូវប្រមុខនឹងការធ្វើការច្រើនម៉ោង និងត្រៀមខ្លួនរួចរាល់គ្រប់ពេលវេលា។
៤. អ្នករាយការណ៍ព័ត៌មាន
អ្នករាយការណ៍ព័ត៌មាន ត្រូវនៅមុខកាមេរ៉ាជារៀងរាល់ថ្ងៃ ហើយត្រូវត្រៀមខ្លួនសម្រាប់ព្រឹត្តិការណ៍ថ្មីៗដែលនឹងកើតឡើងគ្រប់ពេលវេលា។
៥. អ្នកយកព័ត៌មាន
ការប្រឈមមុខនឹងការងារច្រើនម៉ោង រួមទាំងប្រឈមមុខនឹងគ្រោះថ្នាក់ផ្សេងៗ គឺជាអ្វីដែលអ្នកយកព័ត៌មានត្រូវធ្វើដើម្បីទទួលបានព័ត៌មានថ្មីៗទាន់ហេតុការណ៍។
៦. អ្នកសម្របសម្រួលកម្មវិធី
អ្នកសម្របសម្រួលកម្មវិធី ត្រូវបានជួលតែសម្រាប់កម្មវិធីធំៗ ហើយមានសារៈសំខាន់ ដែលមានន័យថាអ្វីគ្រប់យ៉ាងក្នុងកម្មវិធីនេះត្រូវតែមានភាពល្អឥតខ្ចោះ។
៧. មន្ត្រីប៉ូលីស
ដូចដែលគ្រប់គ្នាដឹងមកហើយថា មន្ត្រីប៉ូលីសត្រូវមានទំនួលខុសត្រូវខ្ពស់ និងត្រូវប្រចាំការគ្រប់ពេលទាំងអស់ដើម្បីបម្រើដល់ប្រជាជនក្នុងតំបន់។
៨. អាកាសយានិក
អាកាសយានិក មានទំនួលខុសត្រូវខ្ពស់ក្នុងការបញ្ជាយន្តហោះ ហើយជីវិតមនុស្សរាប់រយនាក់ស្ថិតនៅលើដៃរបស់ពួកគេ។
៩. អ្នកពន្លត់អគ្គីភ័យ
អ្នកពន្លត់អគ្គីភ័យប្រថុយជីវិតរបស់ពួកគេគ្រប់ពេលដើម្បីជួយសង្គ្រោះជីវិត និងទ្រព្យសម្បត្តិរបស់អ្នកដទៃ។
១០. កងទ័ព
កងទ័ពប្រឈមមុខនឹងការឃ្លាតឆ្ងាយពីផ្ទះរយៈពេលយូរ និងត្រូវប្រឈមមុខនឹងគ្រោះថ្នាក់ជាច្រើនដើម្បីការពារទឹកដីរបស់ខ្លួន។
ចុចអាន ៖
មកដឹង ភាពខុសគ្នាទាំង ៥ រវាងកន្លែងធ្វើការនៅជប៉ុន និងអាមេរិក
មកស្គាល់ របស់របរកំពូលគ្រោះថ្នាក់ទាំង ៥ ក្នុងផ្ទះបាយដែលអ្នកត្រូវប្រយ័ត្ន
អត្ថប្រយោជន៍នឹកស្មានមិនដល់ទាំង ១០ ចំពោះរាងកាយ ប្រសិនជាអ្នកដើររៀងរាល់ថ្ងៃ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
