Hacker ចេញវាយលុកប្រទេសអ៊ីរ៉ង់ ដោយបន្សល់រូបទង់ជាតិអាមេរិកនិងសារព្រមាន

2018-04-09 12:04:13
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលប្រទេសអ៊ីរ៉ង់បានចេញប្រកាសកាលពីថ្ងៃសោរ៍សប្តាហ៍មុនថាក្រុម Hacker បានវាយលុកប្រព័ន្ធ Network តាមបណ្តាប្រទេសជាច្រើន រួមទាំងអ៊ីរ៉ង់ ដោយបន្សល់ទុករូបទង់ជាតិសហរដ្ឋអាមេរិក ជាមួយសារព្រមានថា "កុំរញ៉េរញ៉ៃជាមួយការបោះឆ្នោតរបស់ពួកយើង" ។

រូបតំណាងការវាយប្រហារពីក្រុម Hacker

ប្រភពពី Reuters បានចុះផ្សាយការវាយប្រហារបានប៉ះពាល់ដល់ Router Switch ប្រមាណ **២០០ ០០០ គ្រឿង** ជុំវិញពិភពលោក ដោយមាន ៣ ៥០០ ស្ថិតក្នុងប្រទេសអ៊ីរ៉ង់។ បើតាមការលើកឡើងពីក្រសួងផ្នែកព័ត៌មានវិទ្យាក្នុងស្រុកបានសង្កត់ធ្ងន់ថាដើមចមបែកធ្លាយចេញពី Router នៃក្រុមហ៊ុន Cisco របស់អាមេរិក។

ថ្វីបើយ៉ាងណាមិញក៏នៅតែមិនទាន់វែកមុខឃើញក្រុម Hacker ចិត្តឆៅនៅឡើយ ស្របពេលផលប៉ះពាល់ក៏ជះឥទ្ធិពលទាំងក្នុងតំបន់អឺរ៉ុប, ឥណ្ឌា, សហរដ្ឋអាមេរិក និងចិន ដោយប្រទេសអ៊ីរ៉ង់មានប្រមាណ ២ ភាគរយនៃឧបករណ៍សរុប។