ចង់ Focus លើ Subject បានច្បាស់ មិនមែនធ្វើបានងាយៗទេ ត្រូវការបច្ចេកទេសច្រើន

2018-04-10 01:05:27
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រហែលជាដឹងក្បួនដំបូងក្នុងការថតរូបគឺធ្វើយ៉ាងណាឲ្យ Subject ច្បាស់ល្អ។ កាមេរ៉ាទំនើបភាគច្រើន ផ្ដល់វិធីច្រើនជួយដល់ការងារនេះ។

ទីនេះ អ្នកនឹងដឹងពីបច្ចេកទេស Focus របស់កាមេរ៉ា និង Settings ល្អបំផុតក្នុងការប្រើប្រាស់។

១) Manual focus

កាមេរ៉ាទំនើបៗស្ទើរតែទាំងអស់អាច Focus Lens បានទាំងស្វ័យប្រវត្តិ និងកំណត់ខ្លួនឯង។

Manual focus ជាជម្រើសល្អក្នុងការថតរូបប្រភេទ Macro ដោយកាមេរ៉ាជាច្រើនពិបាក Lock លើ Subject នៅជិតខ្លាំង ហើយ Lens នឹងរំកិល Focus ខុសទីតាំង រាល់ពេលអ្នកចុចថត។

ដូចនេះអ្នកគួរប្ដូរកាមេរ៉ា ឬ Lens ទៅប្រើ Manual focus។ បច្ចេកវិទ្យា Live View ធ្វើឲ្យការ Focus លក្ខណៈ Manual កាន់តែងាយស្រួល ដោយអាចពង្រីករូបភាពលើអេក្រង់ អ្នកអាចឃើញច្បាស់ ហើយកែប្រែ Focus តាមការគួរ។

២) Single autofocus

Single autofocus ឬ Single AF ជាជម្រើស Focus កំណត់ឲ្យកាមេរ៉ា Focus ពេលប៊ូតុងថតចុចបានពាក់កណ្ដាល ហើយរក្សា Lens ផ្ដោតលើ Subject ដែលបានជ្រើសរើស រហូតដល់ពេលការថតបានសម្រេចពេញលេញ។

បើអ្នកត្រូវកែប្រែ Focus អ្នកត្រូវដកដៃចេញពីប៊ូតុងថត ហើយចុចវាជាលើកទីពីរដូចខាងលើ។ Single focus mode ល្អសម្រាប់ Subject នៅនឹង ដូចជារូបភាពទេសភាព ឬធាតុនៅនឹងមួយកន្លែង។

៣) Continuous autofocus

ជម្រើសនេះ Lens នឹងបន្ត Focus ដរាបណាប៊ូតុងថតបានចុចពាក់កណ្ដាល ឬ ប៊ូតុង AF បានចុច។ វាជាជម្រើសល្អ ពេលថត Subject មានចលនា ដោយកាមេរ៉ានឹងបន្តកែប្រែចម្ងាយ Focus ពេល Subject រំកិលក្នុង Frame។

កាមេរ៉ាកម្រិតចុងក្រោយមួយចំនួនដូចជា Canon EOS 7D Mark II និង Nikon D500 អាចឲ្យអ្នកកំណត់ចំណុច AF ណាមួយ ដែលកាមេរ៉ាប្រើតាមដានចលនារបស់ Subject។ ហើយមួយចំនួនទៀតអាចឲ្យអ្នកកំណត់ល្បឿនផ្លាស់ប្ដូរចម្ងាយ Subject ដើម្បីការពារកុំឲ្យ Subject ចេញពីការ Focus ពេលនៅទីប្រជុំជន។

ពេលប្រើ Continuous AF អ្នកគួរកំណត់ចំណុច AF ដោយខ្លួនឯង ដូច្នេះកាមេរ៉ាដឹងគោលដៅ មុនពេលវាចាប់ផ្ដើមតាមដាន។ មុខងារនេះល្អ សម្រាប់ថតសកម្មភាពលឿន ឬកីឡា។

៤) AF Point Selection ដោយស្វ័យប្រវត្តិ

ពេលអ្នក Focus ដោយស្វ័យប្រវត្តិ អ្នកត្រូវការសកម្មចំពោះចំណុច AF លើ Subject ក្នុង Viewfinder ដើម្បីធ្វើឲ្យវាច្បាស់។

អ្នកអាចឲ្យកាមេរ៉ាសម្រេចការងារនេះ ហើយប្រើប្រាស់ AF Point Selection ដោយស្វ័យប្រវត្តិ។ នេះល្អ ពេលអ្នកមិនមានពេលច្រើនក្នុងការថត។

យ៉ាងណាមិញ កាមេរ៉ាជាធម្មតានឹងព្យាយាមផ្ដោតលើ Object ជិតបំផុតនៅក្បែរចំណុចកណ្ដាល Frame ហើយ Subject តូច ៗមិនសូវបង្ហាញលទ្ធផលល្អនោះទេ។ ដូច្នេះ អ្នកគួរកំណត់ចំណុច AF ដោយខ្លួនឯង។

៥) AF Point Selection ដោយខ្លួនឯង

ការកំណត់ចំណុច AF ដោយខ្លួនឯង អាចឲ្យអ្នកគ្រប់គ្រងលើការ Focus របស់កាមេរ៉ាមួយកម្រិតធំ ដែលជាជម្រើសល្អក្នុងការថតរូបទេសភាព, Portrait និងធាតុនៅនឹង ពេលអ្នកមានពេលវេលាក្នុងការគ្រប់គ្រងកាមេរ៉ា។

កំណត់ជម្រើស Focus នេះអាចធ្វើទៅបាន ដោយចុចប៊ូតុង AF Point Selection រួចប្រើ Controls រំកិលជ្រើសរើសចំណុច AF អ្នកចង់បាន កំឡុងពេលសម្លឹងមើលតាម Viewfinder។ បើអ្នកមាន Touchscreen អ្នកអាចចុចលើតំបន់ អ្នកចង់ Focus។ បន្ទាប់មកចុចថតផ្ដិតយករូបភាព។

៦) Face Detection AF

ជម្រើស Focus នេះមានភាពពេញនិយម ឃើញមានលើប្រព័ន្ធកាមេរ៉ា Compact ភាគច្រើន និង DSLR មួយចំនួនក្នុង Live View mode។ វាដំណើរការដោយសម្គាល់រូបរាងមុខក្នុងទិដ្ឋភាព បន្ទាប់មកកំណត់អាទិភាព Focus។

ប្រព័ន្ធ Focus នេះរួមមាន Smile Shutter ដែលនឹងថតពេលកាមេរ៉ាសម្គាល់ឃើញ Subject កំពុងញញឹម ឬសើច ហើយប្រព័ន្ធកម្រិតចុងក្រោយអាចផ្ដោតលើភ្នែកជាក់លាក់បានទៀតផង។

កាមេរ៉ាមួយចំនួនក៏អាចកំណត់ដើម្បីសម្គាល់មុខជាក់លាក់មួយក្នុងចំណោមមនុស្សជាច្រើន។ នេះមានប្រយោជន៍ សម្រាប់ថតក្មេងៗនៅពិធីជប់លៀង ឬព្រឹត្តិការណ៍។

ពេល Face Detection AF បើកដំណើរការ អ្នកនឹងសម្គាល់ឃើញប្រអប់ជ្រុងៗបង្ហាញលើមុខពួកគេលើអេក្រង់ LCD របស់កាមេរ៉ា។ នេះមានន័យថាពួកគេបានសម្គាល់ដោយកាមេរ៉ា។ ចុចប៊ូតុងថតពាក់កណ្ដាលឲ្យមុខស្ថិតក្នុងការ Focus ហើយត្រៀមថត។

៧) បច្ចេកទេស Focus និងកែប្រែប្លង់

ពេលចំណុច AF ត្រូវបានជ្រើសរើសនៅកណ្ដាល តែ Subject ចេញទៅចំហៀង Frame។ ករណីបែបនេះ អ្នកត្រូវការរំកិលកាមេរ៉ា រក្សាចំណុច AF ស្ថិតលើ Subject ហើយចុចប៊ូតុងថតពាក់កណ្ដាល ឲ្យ Lens ធ្វើការ Focus។

ដោយប៊ូតុងថតនៅត្រឹមពាក់កណ្ដាលដើម្បីរក្សា Focus នៅ Lock អ្នកអាចកែប្រែប្លង់រូបភាព ដូច្នេះ Subject ស្ថិតនៅទីតាំងអ្នកចង់បានក្នុង Frame ហើយធ្វើការថត។ បច្ចេកទេសនេះមានអត្ថប្រយោជន៍ពេលប្រើក្នុងស្ថានភាពងងឹត ដែលចំណុច AF ខាងក្រៅមានភាពសំខាន់តិចតួចជាងនៅតំបន់កណ្ដាល។

ពេលប្រើបច្ចេកទេស Focus នេះ អ្នកគួរកំណត់កាមេរ៉ាប្រើ Single AF mode។ បើអ្នកកំណត់ប្រើ Continuous AF កាមេរ៉ានឹងកែប្រែ Focus លើ Subject ពេលអ្នកកែប្រែប្លង់រូបភាព។

៨) ប៊ូតុង AF

កាមេរ៉ាជាច្រើនមានប៊ូតុង AF អាចចុចប្រើ ដោយមិនប្រឈមហានិភ័យចង់ចុចពាក់កណ្ដាលក្នុងការ Focus តែបែរចុចទាំងស្រុងដើម្បីថត។

នេះមានអត្ថប្រយោជន៍ ពេលប្រើប៊ូតុងនេះថត Subject មានចលនា ដោយអ្នកចុចប៊ូតុង AF ដោយមិន Lock តម្លៃ Exposure (កម្រិតពន្លឺ) settings រហូតដល់ចំណុចអ្នកចង់បាន ហើយចុចថត។

បច្ចេកទេសនេះអាចឲ្យអ្នកឃើញ Subject ច្បាស់ក្នុង Frame ហើយថតតែពេលប្លង់ណាមានពន្លឺត្រឹមត្រូវ។ ម្យ៉ាងវិញទៀត ក៏ល្អក្នុងការថតរុក្ខជាតិ និងផ្កា ខណៈរេតិចតួចតាមខ្យល់។

៩) កម្រិត Focus Hyperfocal Distance

បច្ចេកទេសនេះរចនាឡើង ដើម្បីទទួលបានកម្រិតច្បាស់បំផុតនៃទិដ្ឋភាព។ វិធីពីមុនក្នុងការប្រើប្រាស់វា គឺដើម្បីផ្ដោតលើ Subject រួចប្រើខ្នាតជម្រៅទិដ្ឋភាព (Depth of field) របស់ Lens ដើម្បីស្វែងរកចំណុចច្បាស់ជិតបំផុត។ ចំណុចជម្រៅទិដ្ឋភាពចាប់ផ្ដើមនៅខាងមុខចំណុច Focus ហៅថា Hyperfocal point។

ពេល Hyperfocal point បានគណនា Lens ធ្វើការកែប្រែ Focus ដូច្នេះ Subject នៅរក្សាកម្រិតច្បាស់ទាក់ទងនឹងជម្រៅទិដ្ឋភាព។ អ្នកអាចប៉ាន់ប្រមាណ ឬវាយតម្លៃចម្ងាយ Focus និងប្រើកម្មវិធីស្មាតហ្វូនដូចជា DOF Master ដើម្បីប្រាប់ពីចម្ងាយ Hyperfocal។ បច្ចេកទេសនេះមានការពេញនិយមប្រើក្នុងការថតទេសភាព។

១០) បន្សំ Focus

បច្ចេកទេសនេះបន្សំរូបភាពមួយចំនួនថតដោយចម្ងាយ Focus ខុសគ្នាទៅជារូបភាពតែមួយ ដែលមានភាពច្បាស់ពីផ្ទៃខាងក្រោយ ដល់ផ្ទៃខាងមុខ។

នេះអាចយកអនុវត្តលើការថតរូបទេសភាព និងប្រភេទ Macro ដោយជម្រៅទិដ្ឋភាពមានកំណត់ ពេល Subject ជិតខ្លាំង។

អ្នកភ្ជាប់កាមេរ៉ានឹង Tripod ចុចថតរូបទីមួយ ផ្នែក Focus ជិតបំផុតក្នុងទិដ្ឋភាព។ ដោយមិនរំកិលកាមេរ៉ា បន្ទាប់មកកែប្រែ Focus ឲ្យឆ្ងាយបន្តិចក្នុងទិដ្ឋភាព ហើយចុចថតរូបទីពីរ មុនពេល Foucs ទៅកាន់តែឆ្ងាយ។ ធ្វើបែបនេះរហូតដល់អ្នកមានរូបភាពជាមួយការផ្ដោតផ្នែកឆ្ងាយបំផុតនៃទិដ្ឋភាព។

ក្រោយមកអ្នកអាចបន្សំរូបភាពចូលគ្នាដោយប្រើកម្មវិធី Photoshop, មុខងារ Photo Merge របស់ Photoshop ឬ កម្មវិធី Combine ZM៕