ចេញហើយ! iPhone 8 ពណ៌ក្រហម ផ្ទៃខាងមុខមានពណ៌ខ្មៅតបតាមការរិះគន់

2018-04-10 01:56:01
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបានទទួលដំណឹងថា Apple នឹងបញ្ចេញផលិតផលពណ៌ក្រហមថ្មីសម្រាប់ឆ្នាំ ២០១៨ នាថ្ងៃច័ន្ទនោះ ក្រុមហ៊ុនយក្សមួយនេះមិនធ្វើឲ្យអ្នករង់ចាំខកចិត្តមែនដោយខ្លួនបាន បញ្ចេញ iPhone 8 និង iPhone 8 Plus ជាមួយពណ៌ក្រហមថ្មី ដែលជាផលិតផលធ្វើឡើងដើម្បីជួយដល់មូលនិធិ ប្រយុទ្ធប្រឆាំងនឹងមេរោគអេដស៍ និងជំងឺអេដស៍នៅក្នុងទ្វីបអាហ្វ្រិក។

iPhone 8 និង iPhone 8 Plus ដែលមានពណ៌ក្រហមនេះ មានផ្ទៃមុខពណ៌ខ្មៅ ឆ្លើយតបទៅនឹងការរិះគន់របស់អ្នកប្រើប្រាស់ភាគច្រើនកាលពីឆ្នាំមុន នៅពេលដែលខ្លួនបញ្ចេញ iPhone ជាផលិតផលពណ៌ក្រហមដំបូង គឺ iPhone 7 និង iPhone 7 Plus ដែលមានផ្ទៃមុខពណ៌សនោះ។ ចំណែកឯលក្ខណៈសម្បត្តិរបស់ iPhone 8 និង iPhone 8 Plus ពណ៌ក្រហមនេះវិញគឺដូចទៅនឹង iPhone 8 និង iPhone 8 Plus ពណ៌ធម្មតាដដែលនោះទេ។

iPhone 7 និង iPhone 7 Plus ពណ៌ក្រហម

គួររំឭកផងដែរថា iPhone 7 និង iPhone 7 Plus ពណ៌ក្រហមបានចេញនៅចុងខែមិនាឆ្នាំមុន តែបានបញ្ឈប់ការលក់ក្នុងខែកញ្ញា ត្រឹមពេល iPhone 8, iPhone 8 Plus និង iPhone X ប្រកាសចេញ។ ដូចនេះ iPhone 8 និង iPhone 8 Plus ពណ៌ក្រហម អាចជាម៉ូដែលមានកំណត់ ដែលនឹងមានដាក់លក់ត្រឹមរយៈពេលជិតកន្លះឆ្នាំតែប៉ុណ្ណោះ។

iPhone 8 និង iPhone 8 Plus ពណ៌ក្រហមនឹងទទួលការបញ្ជាទិញពីថ្ងៃទី ១០ ខែមេសានេះ ដោយនៅលើទីផ្សារអាមេរិក មានតម្លៃដូចទៅនឹង iPhone 8 និង iPhone 8 Plus ដែលមានពណ៌មាស ស និង ប្រផេះដែរ។ iPhone 8 មានតម្លៃចាប់ពី ៦៩៩ដុល្លារឡើងទៅ និង iPhone 8 Plus មានតម្លៃចាប់ពី ៧៩៩ដុល្លារឡើងទៅ៕

ចុចអាន៖

ប្រភព៖ theverge ប្រែសម្រួល៖ ផាត សុវត្ថិ